Foto: m.polit.ru

BWW-da ötken memleketaralıq konferenciya «Qauipsiz, tärtipke keltirilgen migraciya jönindegi düniejüzilik paktini» bekitti.

Reuters agenttiginiñ habarlauınşa, 150-den astam memleket qabıldağan pakt 19 jeltoqsanda BWW Bas assambleyasınıñ otırısında bekitilui tiis. Migraciyağa qatıstı qwjattı qoldaytındardıñ qatarında Angela Merkel' bar. Germaniya kancleri qazir älemde 70 millionğa tarta bosqın barın jäne pakt migraciyalıq dağdarıstı älemdik deñgeyde retteuge septigin tigizetinin ayttı.

Jiın Marokkodağı Marrakeş qalasında ötti. Endi qwjat boyınşa aktte zañsız migraciyağa tosqauıl bolıp, migranttardı integraciyalau jäne tuğan eline qayta oraluğa jağday jasau qarastırılğan. Biraq, qwjatqa qol qoyğan kez kelgen memleket şarttardı orındauğa mindetti bolmaydı.

Jeltoqsanda AQŞ atalğan paktige qol qoyudan tübegeyli bas tartqan. Sonımen qatar, Austriya, Australiya, Vengriya, Pol'şa, Çehiya, Bolgariya, Estoniya jäne Izrail' memleketteri BWW-nıñ migraciya boyınşa kelisimine qarsı şıqqan bolatın. Olardıñ aytuınşa, «eger qwjat qabıldansa, älemde arab elderi men Afrika twrğındarı bastağan zañsız kelimsekter artuı mümkin».

"The Qazaq Times"