بۇۇ الەمدىك ميگراتسيالىق پاكتىنى بەكىتتى

بۇۇ-دا وتكەن مەملەكەتارالىق كونفەرەنتسيا «قاۋىپسىز، تارتىپكە كەلتىرىلگەن ميگراتسيا جونىندەگى دۇنيەجۇزىلىك پاكتىنى» بەكىتتى.

Reuters اگەنتتىگىنىڭ حابارلاۋىنشا، 150-دەن استام مەملەكەت قابىلداعان پاكت 19 جەلتوقساندا بۇۇ باس اسسامبلەياسىنىڭ وتىرىسىندا بەكىتىلۋى ءتيىس. ميگراتسياعا قاتىستى قۇجاتتى قولدايتىنداردىڭ قاتارىندا انگەلا مەركەل بار. گەرمانيا كانتسلەرى قازىر الەمدە 70 ميلليونعا تارتا بوسقىن بارىن جانە پاكت ميگراتسيالىق داعدارىستى الەمدىك دەڭگەيدە رەتتەۋگە سەپتىگىن تيگىزەتىنىن ايتتى.

جيىن ماروككوداعى مارراكەش قالاسىندا ءوتتى. ەندى قۇجات بويىنشا اكتتە زاڭسىز ميگراتسياعا توسقاۋىل بولىپ، ميگرانتتاردى ينتەگراتسيالاۋ جانە تۋعان ەلىنە قايتا ورالۋعا جاعداي جاساۋ قاراستىرىلعان. بىراق، قۇجاتقا قول قويعان كەز كەلگەن مەملەكەت شارتتاردى ورىنداۋعا مىندەتتى بولمايدى.

جەلتوقساندا اقش اتالعان پاكتىگە قول قويۋدان تۇبەگەيلى باس تارتقان. سونىمەن قاتار، اۋستريا، اۋستراليا، ۆەنگريا، پولشا، چەحيا، بولگاريا، ەستونيا جانە يزرايل مەملەكەتتەرى بۇۇ-نىڭ ميگراتسيا بويىنشا كەلىسىمىنە قارسى شىققان بولاتىن. ولاردىڭ ايتۋىنشا، «ەگەر قۇجات قابىلدانسا، الەمدە اراب ەلدەرى مەن افريكا تۇرعىندارى باستاعان زاڭسىز كەلىمسەكتەر ارتۋى مۇمكىن».

"The Qazaq Times"