Tramp pen Şi Jinpiñ as üstinde keñesti. Foto: VOA.

AQŞ pen Qıtay basşılarınıñ Argentinada ötken G20 sammiti barısındağı äredik kezdesulerde jäne tüski as kezinde neler jayında keñesti? Köptegen aqparat qwraldarınıñ ökilderi men özgede adamdar  Qıtaydıñ AQŞ-tağı elşiliginiñ WeChat jelisindegi paraqşasına pikirleri men swraqtarın qaldırdı. Alayda, bwl pikirler men swraqtar äleumettik paraqşanı basqaruşı jağınan öşirilgen nemese bwğattalğan.

Qwrama Ştattağı keybir basılımdar aqparat közderine silteme jasay otırıp, Tramp pen Şi Jinpiñ kezdesude sauda dauınan tıs taqırıptar da söz bolğanın alğa tartadı. Al, AQŞ-tıñ Qıtaydağı elşiligi sol eldegi WeChat jelisindegi paraqşası arqılı atalğan kezdesu turalı mälimet tarattı. Bwl mälimette, eki el basşısınıñ sauda dauın şeşu turalı keliskeni turalı aytılğan. Alayda, Bloomberg agenttiginiñ habarında aytılğanday özge mazmwndar turalı eşqanday mälimet bermegen.

Qwrama Ştattağı Qıtay elşiligi «Tramp-Şi» arasındağı kezdesuine qatıstı mälimet beruden jaltarğan sayın, AQŞ pen özge de Batıs elderiniñ aqparat qwraldarı qadala tüsti. Olar bwnımen wqsas uaqıtta ülken Buştıñ qazası turalı türli közqarastar men pikirlerdiñ bwğattauğa wşıramağanın alğa tartuda.

Birqatar aqparat agenttikteriniñ habarlağanınday, Tramp pen Şi Jinpiñ arasında sauda kelisimderinen tıs taqırıptar da söz bolğan boluı mümkin. Alayda, resmi taraptıñ bwl turalı mälimet beruge nieti joq.  Jalpı Argentinadağı kezdesudiñ mazmwnı turalı eki eldiñ aqparat qwraldarında eki türli habarlandı. Qıtay resmi aqparat qwraldarı kelisimniñ keybir mañızdı mazmwndarın jasırıp qaldı. Bwnıñ özi de köp närseni wğındıratınday. Qwrama Ştatpen bolğan  sauda qayşılığı Qıtaydıñ ekonomikasımen qatar äleumettik pikirlerine de öz äserin tigizdi. Sondıqtan da, Beyjiñ biligi qoğamdıq pikirlerdiñ qısımın eskerusiz qaldıra almaydı.

“The Qazaq Times”