Germaniya kancleri Angela Merkel' jäne HDS partiyasınıñ Bas hatşısı Annegret Kramp-Karrenbauer. Foto: www.bbc.com

HDS partiyasınıñ Bas hatşısı Annegret Kramp-Karrenbauer «ARD» telearnasınıñ efirinde Germaniya Reseyge qatıstı qatañ poziciya wstanuı tiis dep mälimdedi.

Eki el arasındağı «Soltüstik ağıs – 2» jobasın toqtatu arqılı Germaniya tarapı Reseyge qarsı qısım körsetudi josparlap otır. Atap aytqanda, Resey Ukrainanıñ üş kemesin basıp alğan Kerç' bwğazındağı oqiğalarğa baylanıstı «Soltüstik ağıs – 2» gaz qwbırına baylanıstı kelisimdi qayta qaraudı wsındı. «ARD»-ğa bergen swhbatında Kramp-Karrenbauer: «Germaniya men onıñ odaqtastarınıñ Reseyge qatıstı wstanımı özgermeydi, sebebi Putin Kerç' bwğazındağı qaqtığıstı beybit jolmen şeşken joq», – dep mälimdedi. Sonday-aq, ol Reuters agenttigine swhbat berip, EO men AQŞ Azov teñizindegi jağdayğa baylanıstı reseylik kemelerdiñ europalıq porttarğa kiruine tıyım salu kerektigin ayttı. Onıñ pikirinşe, «Soltüstik ağın – 2» qwrılısına sayasi qoldaudı toqtatıp, Berlin Mäskeudiñ agressivti sayasatına jauap retinde osı qwbır arqılı jetkiziletin tabiği gaz kölemin şektey aladı.

1 jeltoqsanda Germaniya kancleri Angela Merkel' Resey prezidenti Vladimir Putinmen kezdesip, ukrain teñizşilerin twtqınnan bosatu turalı talap qoydı. Sonımen qatar, Germaniyadağı Hristian Demokratiyalıq partiyası (HDP) köşbasşılığına kandidat Fridrih Merc Resey men Ukraina arasındağı qaqtığıstan keyin «Soltüstik ağıs – 2» qwrılısın qayta qarau kerek deydi.

Biraq, Germaniya SİM bwrınğı basşısı Hayko Maas «Soltüstik ağıs – 2» jobasınan şığuğa bolmaytının ayttı. Sebebi, qwbır kez kelgen jağdayda salınadı, eger Germaniya jobadan şıqsa, Ukraina arqılı balamalı bağıtta gaz jetkizudi jalğastıru mümkindiginen ayırıluı mümkin.

AQŞ, Ukraina jäne Şığıs pen Ortalıq Europa elderi qwbır qwrılısınıñ jalğasuına tübegeyli qarsı, öytkeni bwl öz aumağı arqılı Resey gazınıñ tranziti üşin salıq ala almaytın Ukrainağa köp kölemde ziyan keltiredi. Uaşington bwl gaz qwbırı aldağı on jıldıqtarda Germaniyanıñ Reseyge energetikalıq täueldiligin arttıradı dep sanaydı.

Ayta keteyik, reseylik «Gazprom» «Soltüstik ağıs-2» konsorciumın basqaradı. 11 mlrd dollar bolatın qwrılıs kelesi jılı ayaqtaluı kerek. Qwbır jwmıstarı Resey gazınıñ Germaniyağa Ukraina aumağın aynalıp ötu kölemin eki ese arttıru maqsatında qolğa alınğan.

"The Qazaq Times"