Foto: WJZO

27 qaraşada Almatı qalası prokuraturasınıñ bastamasımen Wlttıq jurnalistik zertteu ortalığı wyımdastırğan din salasındağı özekti mäselelerge baylanıstı birneşe nominaciyalar boyınşa jurnalister arasındağı üzdik materialdar bayqauı qorıtındılandı. «Qoğamdıq kelisim» sarayınıñ Baspasöz ortalığında ötken is-şarada eñ üzdik degen jurnalister diplom jäne aqşalay sıylıqtarmen marapattaldı.

Din salasındağı özekti mäselelerge baylanıstı jurnalister bayqauına 2018 jıldıñ 1 qañtarı men 25 qaraşa aralığında bwqaralıq aqparat qwraldarında jariyalanğan  materialdar qabıldandı. Üzdik şığarmalar jalpı jülde qorı 1 000 000 teñgelik 9 nominaciya jäne 5 ıntalandıru sıylığı boyınşa saralandı.

Bwl bayqaudıñ negizgi maqsatı – Qazaqstan Respublikası jwrtşılığınıñ nazarın din salasındağı memlekettik sayasattıñ özekti mäselelerine audaru, BAQ arqılı twrğındardı memlekettik sayasattıñ din salasındağı är türli qwndılıqtarınıñ saqtaluına bağıttalğan mañızdı is-şaralar jöninde habardar etu, din salasındağı özekti mäseleler boyınşa materialdardı jariyalaytın jurnalisterdi qoldau.

Üzdik şığarmalar bayqauına 54 jurnalisten jalpı 120-dan astam material kelip tüsken. «Olardıñ barlığı derlik «sen twr, men atayın» degen dünieler» deydi wyımdastıruşılar.

Qazılar alqasınıñ törağası belgili kösemsözger, ğalım, äl-Farabi atındağı Qazaq wlttıq universiteti jurnalistika fakul'tetiniñ dekanı Sağatbek Medeubekwlı dini ekstremizm sekildi eldik men teñdik müddege nwqsan keltiretin qauiptiñ aldın aluda jurnalisterdiñ eñbegi wşan-teñiz ekenin atap ötti. «Bwl bayqauğa kelip tüsken şığarmalarğa qarap, jurnalistikanıñ wyımdastıruşılıq, ağartuşılıq qwndılıqtarına tağı da közimiz anıq jetti» degen Sağatbek Medeubekwlı tañdau jasaudıñ oñay bolmağanın jetkizdi. Al Almatı qalası prokurarınıñ orınbasarı Berik Adamov öz sözinde «memleket irgetasın nığaytudağı jurnalisterdiñ eñbegine» toqtalıp, «törtinşi bilik» ökilderiniñ qızmetine rizaşılığın bildirdi.

Almatı qalası Din isteri basqarması dini birlestiktermen jwmıs jönindegi bölim basşısı Erğali Köşekeev jurnalisterdiñ eñbegin bağalauda osınday bayqaulardıñ ülesi zor ekendigin jetkizdi. Sonday-aq, bayqauğa qatıstı öz pikirin aytqan «Zañ» Media-korporaciyası» JŞS prezidenti Dosımbek Öteğaliev «Almatı qalası prokuraturasınıñ jaqsı bastaması özge de memlekettik mekemelerge ülgi bolıp, mwnday qoldaular jii jalğasıp twrsa» dedi.

Bayqau qorıtındısına säykes, «Merzimdi basılımdardağı qazaq tilindegi eñ üzdik maqala» nominaciyasın «Zañ» gazeti bas redaktorınıñ orınbasarı Säken Qaldıbaev, «Merzimdi basılımdardağı orıs tilindegi eñ üzdik maqala» nominaciyasın «Central Asia Monitor» respublikalıq qoğamdıq-sayasi gazetiniñ tilşisi  Saule Isabaeva, «Internet jelisindegi qazaq tilindegi eñ üzdik maqala» nominaciyasın jurnalist Seysen Ämirbekwlı, «Internet jelisindegi orıs tilindegi eñ üzdik maqala» nominaciyasın «www.sputniknews.kz» jelilik basılımınıñ tilşisi Aleksandr Miroglov, «Üzdik televiziyalıq bağdarlama» nominaciyasın «Azattıq» radiosı «Ortalıq Aziya jañalıqtarı» jobasınıñ redaktorı, bağdarlama prodyuseri Jwldız Töleu, «Eñ belsendi bloger» nominaciyası Halıqaralıq «Qazaqstan Zaman» gazeti bas redaktorınıñ orınbasarı Bauırjan Karipov, «Üzdik äleumettik beynerolik» nominaciyasın «31-arna» tilşisi Ardaq Kamal, «Üzdik radiobağdarlama» nominaciyasın «Retro FM» radiosınıñ redaktor-jürgizuşisi Gülvira Biğalieva, «Äleumettik jelilerdegi eñ üzdik belsendi qoğamdıq top» nominaciyasın «Instagram», «Feysbuk», «VKontakte» äleumettik jelilerindegi «Biz ekstremizmge qarsımız!» paraqşası jeñip aldı. Nominaciya jeñimpazdarı Almatı qalası prokurorınıñ diplomı men 100 mıñ teñge qarjılay sıylıqqa ie boldı.

Sonımen qatar, 20 mıñ teñgelik «Intalandıru» sıylığı jäne arnayı diplomğa «Ana tili» wlt gazetiniñ tilşisi Bağdagül Balaubaeva, «KTK» arnası «Aptap» bağdarlamasınıñ tilşisi Dias Nwraqın, «Zakon.kz» jelilik basılımı arnayı reportajdar böliminiñ redaktorı Torğın Nwrseitova, «ORT-Euraziya» arnası «Zañ söylesin» bağdarlamasınıñ tilşisi Gülnwr Bäymenova, «baribar.kz» saytınıñ tilşisi Aqjarqın Qıdırhanova layıq dep tanıldı.

“The Qazaq Times”