Foto. 24tv.ua

Wlıbritaniyanıñ Qorğanıs ministri Gevin Ul'yamson Resey agressiyasınıñ qwrbanı bolğan Ukrainağa äskeri qoldaudı nığaytatının ayttı.

Daily Telegraph mälimetinşe, Ukrainağa bostandıq pen demokratiyanı qorğau üşin qosımşa britandıq äskerler, sonday-aq äskeri teñiz flotınıñ kemesi jiberiledi. Sol arqılı Britaniya qarulı küşteri ukraindıq äskeri jäne teñiz jayau äskerlerin qarulı qaqtığıstarğa qarsı dayındaytın boladı. «Ukraina reseylik agressiyanıñ qwrbanı bolsa da, Birikken Korol'dik onıñ senimdi seriktesi bop qala beredi. Biz eki el arasındağı ıntımaqtastığımızdı jalğastıra otırıp, jattığu nemese birlesken oqu-jattığu türinde bolsın, Ukrainanı jäne ortaq kelisimderimizdi qorğauğa kömektesetin bolamız. Eşqaşan demokratiyamen sauda jasau mümkin emes. Men Şığıstağı soğıs nätijelerin öz közimmen kördim jäne bwl meniñ Ukrainanıñ egemendigin, onıñ täuelsizdigi men aumaqtıq twtastığın qoldau turalı oyımdı küşeytti», – dedi ministr.

Wlıbritaniya Qorğanıs ministrligi qazirgi uaqıtta Ukrainadağı L'vov jäne Dnepr qalasınıñ aumağında jergilikti jasaqtı jattıqtıratın 100-ge juıq britandıq äskerler bar dep mälimdedi.

"The Qazaq Times"