بريتانيا ۋكراينانى «اگرەسسورلىق رەسەيدەن» قورعايدى

ۇلىبريتانيانىڭ قورعانىس ءمينيسترى گەۆين ۋليامسون رەسەي اگرەسسياسىنىڭ قۇربانى بولعان ۋكرايناعا اسكەري قولداۋدى نىعايتاتىنىن ايتتى.

Daily Telegraph مالىمەتىنشە، ۋكرايناعا بوستاندىق پەن دەموكراتيانى قورعاۋ ءۇشىن قوسىمشا بريتاندىق اسكەرلەر، سونداي-اق اسكەري تەڭىز فلوتىنىڭ كەمەسى جىبەرىلەدى. سول ارقىلى بريتانيا قارۋلى كۇشتەرى ۋكرايندىق اسكەري جانە تەڭىز جاياۋ اسكەرلەرىن قارۋلى قاقتىعىستارعا قارسى دايىندايتىن بولادى. «ۋكراينا رەسەيلىك اگرەسسيانىڭ قۇربانى بولسا دا، بىرىككەن كورولدىك ونىڭ سەنىمدى سەرىكتەسى بوپ قالا بەرەدى. ءبىز ەكى ەل اراسىنداعى ىنتىماقتاستىعىمىزدى جالعاستىرا وتىرىپ، جاتتىعۋ نەمەسە بىرلەسكەن وقۋ-جاتتىعۋ تۇرىندە بولسىن، ۋكراينانى جانە ورتاق كەلىسىمدەرىمىزدى قورعاۋعا كومەكتەسەتىن بولامىز. ەشقاشان دەموكراتيامەن ساۋدا جاساۋ مۇمكىن ەمەس. مەن شىعىستاعى سوعىس ناتيجەلەرىن ءوز كوزىممەن كوردىم جانە بۇل مەنىڭ ۋكراينانىڭ ەگەمەندىگىن، ونىڭ تاۋەلسىزدىگى مەن اۋماقتىق تۇتاستىعىن قولداۋ تۋرالى ويىمدى كۇشەيتتى»، – دەدى مينيستر.

ۇلىبريتانيا قورعانىس مينيسترلىگى قازىرگى ۋاقىتتا ۋكرايناداعى لۆوۆ جانە دنەپر قالاسىنىڭ اۋماعىندا جەرگىلىكتى جاساقتى جاتتىقتىراتىن 100-گە جۋىق بريتاندىق اسكەرلەر بار دەپ مالىمدەدى.

"The Qazaq Times"