Qırğızstan eks-prezidenti Almazbek Atambaev: «Ortalıq Aziya beybitşilik pen kelisimge Mirzieevtıñ arqasında keldi» - dep mälimdedi.

Qaraşa ayınıñ 19-ı küni öziniñ ieligindegi «Aprel'» telearnasına swhbat bergen Almazbek Atambaev Qırğızstannıñ işki jäne sırtqı sayasatına qatıstı, jeke baylığı men jemqorlıqpen küres jönindegi jurnalister swrağına jauap berdi.

Ol onda jurnalisterdiñ: «Siz prezident bolıp twrğan twsta öte qızu qandı mälimdemeler jasadıñız. Bireuler sizdiñ bwl äreketiñizdi özge eldermen qarım-qatınasımızdı qiındatuğa alıp keldi dep esepteydi. Siz nege olay istediñiz?» degen swrağına: «Men kersinşe, Resey siyaqtı eldermen qarım-qatınasımızdı jaqsarttım. Bakievtıñ kezinde jağday mülde basqa edi. Iä, Islam Kärimovtıñ twsında Özbekstanmen qarım-qatınasımız öte qiın boldı. Men ol kezde onıñ aldında basımdı igim kelmedi. Biraq meniñ Özbekstannıñ qazirgi prezidenti Şavkat Mirzieevpen qarım-qatınasım öte jaqsı boldı. Mirzieev Özbekstandı ğana özgertip qoyğan joq. Ol bükil aymaqtıñ jağdayın özgertti. Bwl bireuge wnar, bireuge wnamas, biraq däl qazir Ortalıq Aziyadağı beybitşilik pen kelisim Mirzieevtıñ arqası. Bwnday dünieni özgeler on jıldap jasay almadı. Al ol eki jıldıñ işinde aymaq qarım-qatınasın osınday deñgeyge köterdi. Al Nazarbaevqa keletin bolsaq, qazir özge bir memleketterdiñ saylaularğa aralasuı öte özekti mäsele. AQŞ-ta sayasatkerler prezident saylauı kezinde Resey azamattarımen aralasqanı üşin qızmetterinen ketip jatır. Bizde körşi memlekettiñ basşısı prezidenttikke ümitker adamdı qabıldap, jarnamalauda. Bwl aralasu emes pe? Iä, körşimiz, iä, bay memleket. Biraq bizdiñ täuelsizdigimiz qayda? Meniñ äli esimde, 2010 jılı parlament saylauında, 2011 jılı prezident saylauında köbisi körşi memleketterden aqşa aldı. Bwnı toqtatu kerek boldı. Men sonı istedim. Bwdan bılay aldağı saylaularda aşıq aralasular bolmaydı dep esepteymin. Al meniñ Nazarbaevpen jeke qarım-qatınasıma keletin bolsaq, bwl endi mülde basqa taqırıp. Biraq bizdiñ jeke qarım-qatınasımız memleketaralıq qarım-qatınastarğa äser etpeydi. Sebebi biz körşimiz jäne Euraziyalıq ekonomikalıq odaqtamız» - dep jauap berdi.

Esteriñizge salayıq, 2017 jılı bolğan prezident saylauı kezinde  Qırğızstan prezidenti Almazbek Atambaev Nwrswltan Nazarbaevtı saylauğa aralastı dep ayıptap, «körşi eldiñ diktatorı» dep birneşe ret mälimdeme jasağan. Osıdan keyin resmi Astana Qırğızstanmen aradağı şekaranı uaqıtşa jauıp tastağan.

"The Qazaq Times"