Ötken seysenbide, AQŞ Aqüyiniñ ökili Şon Spayser (Sean Spicer) prezident Tramptıñ Aqüy Qauipsizdik keñesşisi  Mayk Flinniñ (Mike Flynn) otstavkağa ketuin maqıldauı Resey elşisimen bolğan qarım-qatınası turalı pikirlerdiñ narazılığınan ekenin tüsindirdi. Tramp özi de Flinnge degen senimin joğaltsa kerek. Bwl turalı “The Wall Street Journal” basılımı habarlap otır.  

Spayserdiñ aytuınşa, Ädilet departamenti Flinniñ ötken jılğı jeltoqsandağı Resey elşisimen telefondağı tildesu mazmwnı men habarlasu uaqıtı turalı bergen tüsiniginde şatastıru maqsatı bar. Prezident Trampta soñğı aptada Flinn jağdayına qattı nazar audarğan, äri onıñ bwl kezdegi bet-beynesinde eşqanday zañğa qayşılıq bayqalmaydı degen. Şon Spayserdiñ aytuına qarağanda, bwl bir senim men baylanıstıñ şaraları, bar mäsele onıñ vice-prezidentti şatastıruında eken. Prezident Tramp älde qaşan onı Aqüy qızmetkeri dep tanımay ketse kerek.

Esteriñizge sala keteyik, Aqüy Qauipsizdik keñesşisi Mayk Flinn turalı Resey elşisimen AQŞ-tıñ qwpiya şeşimi turalı jekeley talqı jürgizgen degen ayıp tağılğan edi. Bwl ötken jıldıñ 28-29 jeltoqsandarında dep körsetilgen. Ol kez AQŞ işki-sırtqı sayasattağı asa mañızdı kezeñ bolğasın da Mayk Flinndiñ isi qattı narazılıqqa wrındı. Sebebi, sol kezde AQŞ-ta jaña prezident taqqa otıru aldında twrdı. Oğan qosa bwrınğı prezident Obama AQŞ prezident saylauına aralasqanı üşin, Reseyge qaratqan sankciyaların arttırğan bolatın. Däl osı kezdegi Mayk Flinndiñ reseylik twlğamen telefonda tildesip, oğan sankciya turalı aytqanı Aqüy basşıların satıp ketumen birdey bağalanıp otır. Bastabında Mayk Flinn bwnı teriske şığarğan. Prezidenti de ol turalı jaman söz estimegenin aytıp edi. Qos partiyanıñ birdey narazılığınan keyin Mayk Flinn aqırı öz erkimen jwmıstan bosau ötinişin bergen.

“The Qazaq Times”