وتكەن سەيسەنبىدە، اقش اقۇيىنىڭ وكىلى شون سپايسەر (Sean Spicer) پرەزيدەنت ترامپتىڭ اقۇي قاۋىپسىزدىك كەڭەسشىسى  مايك ءفليننىڭ (Mike Flynn) وتستاۆكاعا كەتۋىن ماقىلداۋى رەسەي ەلشىسىمەن بولعان قارىم-قاتىناسى تۋرالى پىكىرلەردىڭ نارازىلىعىنان ەكەنىن ءتۇسىندىردى. ترامپ ءوزى دە فليننگە دەگەن سەنىمىن جوعالتسا كەرەك. بۇل تۋرالى “The Wall Street Journal” باسىلىمى حابارلاپ وتىر.  

سپايسەردىڭ ايتۋىنشا، ادىلەت دەپارتامەنتى ءفليننىڭ وتكەن جىلعى جەلتوقسانداعى رەسەي ەلشىسىمەن تەلەفونداعى تىلدەسۋ مازمۇنى مەن حابارلاسۋ ۋاقىتى تۋرالى بەرگەن تۇسىنىگىندە شاتاستىرۋ ماقساتى بار. پرەزيدەنت ترامپتا سوڭعى اپتادا فلينن جاعدايىنا قاتتى نازار اۋدارعان، ءارى ونىڭ بۇل كەزدەگى بەت-بەينەسىندە ەشقانداي زاڭعا قايشىلىق بايقالمايدى دەگەن. شون سپايسەردىڭ ايتۋىنا قاراعاندا، بۇل ءبىر سەنىم مەن بايلانىستىڭ شارالارى، بار ماسەلە ونىڭ ۆيتسە-پرەزيدەنتتى شاتاستىرۋىندا ەكەن. پرەزيدەنت ترامپ الدە قاشان ونى اقۇي قىزمەتكەرى دەپ تانىماي كەتسە كەرەك.

ەستەرىڭىزگە سالا كەتەيىك، اقۇي قاۋىپسىزدىك كەڭەسشىسى مايك فلينن تۋرالى رەسەي ەلشىسىمەن اقش-تىڭ قۇپيا شەشىمى تۋرالى جەكەلەي تالقى جۇرگىزگەن دەگەن ايىپ تاعىلعان ەدى. بۇل وتكەن جىلدىڭ 28-29 جەلتوقساندارىندا دەپ كورسەتىلگەن. ول كەز اقش ىشكى-سىرتقى ساياساتتاعى اسا ماڭىزدى كەزەڭ بولعاسىن دا مايك ءفلينندىڭ ءىسى قاتتى نارازىلىققا ۇرىندى. سەبەبى، سول كەزدە اقش-تا جاڭا پرەزيدەنت تاققا وتىرۋ الدىندا تۇردى. وعان قوسا بۇرىنعى پرەزيدەنت وباما اقش پرەزيدەنت سايلاۋىنا ارالاسقانى ءۇشىن، رەسەيگە قاراتقان سانكتسيالارىن ارتتىرعان بولاتىن. ءدال وسى كەزدەگى مايك ءفلينندىڭ رەسەيلىك تۇلعامەن تەلەفوندا تىلدەسىپ، وعان سانكتسيا تۋرالى ايتقانى اقۇي باسشىلارىن ساتىپ كەتۋمەن بىردەي باعالانىپ وتىر. باستابىندا مايك فلينن بۇنى تەرىسكە شىعارعان. پرەزيدەنتى دە ول تۋرالى جامان ءسوز ەستىمەگەنىن ايتىپ ەدى. قوس پارتيانىڭ بىردەي نارازىلىعىنان كەيىن مايك فلينن اقىرى ءوز ەركىمەن جۇمىستان بوساۋ ءوتىنىشىن بەرگەن.

“The Qazaq Times”