Foto: finoboz.net

AQŞ prezidenti Donal'd Tramp Kongreske ötetin aralıq saylaudıñ aldın ala qorıtındısın öziniñ Twitter paraqşasında «keremet jetistik» dep bağaladı.

Donal'd Tramptıñ Respublikalıq partiyası Senatta sağat sayın belsendiligin körsetip keledi. «The New York Times» habarlağanday, respublikalıqtardıñ 100-den kem degende 51 lauazımğa ie bolu mümkindigi bar. Fox News esepteuinşe, olar jinağan dauıstar joğarğı palatada 52 orınğa jetui mümkin, al demokrattar äzirge 44 dauıspen ekinşi orında. Öz kezeginde demokrattar saylau nätijesi boyınşa Kongresstiñ tömengi palatası – Ökilder palatasında köş bastap twr.

Qazirgi uaqıtta dauıstardı sanau jalğasuda. Äzirşe, Demokratiyalıq partiya 197 (50,5%), al respublikalıqtar 182 (47,9%) dauıs jinadı. Donal'd Tramp ökilder palatasındağı oppoziciyalıq demokratiya frakciyasın basqaratın Nensi Pelosidi jeñisimen qwttıqtağan.

Saylauda biliktiñ sayasi mañızımen qatar, qızmet körsetu, wyımdastıruşılıq jağına da köñil bölinedi. CNN mälimetteri boyınşa, zañgerler komitetine jergilikti twrğındardan 17,5 mıñnan astam şağım tüsken. Olardıñ köpşiligi dauıs beruge arnalğan jäşikteriniñ dwrıs ornalaspağanına jäne skanerler jwmısınıñ bayaulığına baylanıstı.

Eske sala keteyik, 6 qaraşa AQŞ-ta aralıq saylau bastaldı. Saylau nätijesinde senator, gubernatorlar jäne Kongrestiñ tömengi palatası tolığımen jañartıladı. Sarapşılardıñ aytuınşa, bügingi saylau AQŞ azamattarınıñ qazirgi prezident, respublikalıq partiya köşbasşısı Donal'd Tramptı qanşalıqtı qoldaytının bildiredi. Sonday-aq eger demokratiyalıq partiya jeñiske jetetin bolsa, Tramp äkimşiliginiñ zañnamalıq bastamaların bwğattay aladı.

2016 jılğı saylauda Kongrestiñ eki palatasında da respublikalıqtar basım dauısqa ie bolğan. Sol kezde saylanğan prezident Tramp saylau aldındağı nauqan kezinde «halıqtıñ senimi qaşan da joğarı boladı» – degen.

"The Qazaq Times"