Tramp-Kim arasındağı alğaşqı kezdesu. Foto: NYT

 

AQŞ-tıñ Memlekettik hatşısı Mayk Pompeo mälimdeme jasap, osı aptada N'yu-Yorkte Soltüstik Koreyanıñ joğarı lauazımdı ökili Kim YAñmen yadrolıq qarudan bas tartu mäselesi turalı kelissöz ötkizetinin ayttı. Bwl turalı VOA jañalıqtar qızmeti habarladı.

Soltüstik Koreyanıñ yadrolıq qarudan bas tartuı turalı AQŞ prezidenti Donal'd Tramp mausım ayında Singapurda ötken KHDR basşısı Kim Joñ Unmen kezdesude ortağa qoyğan. Odan beri taraptar birde tatu, birde qatu mämilede bolıp keldi. Dialogtar üzilip qalmağanımen, Soltüstik Koreyanıñ yadrolıq qaruların qısqartu bağdarlamaları bayaulap qalğan edi.

Pompeo osı aptada bolatın kelissözdiñ yadrolıq qarusızdandıru isindegi tamaşa oray ekenin aytadı. Onıñ aytuınşa, bwl kelissöz arqılı Soltüstik Koreyanıñ yadrolıq qarudan bas tartu uaqıtın jäne bağdarlamasın anıqtauğa boladı. AQŞ-tıñ qazirgi ükimeti bolsa, Tramptıñ alğaşqı prezidenttik merzimi ayaqtaludan bwrın, yağni, 2021 jılı qañtarğa deyin Soltüstik Koreyanı yadrolıq qarudan tübegeyli bas tartu turalı kelisimge qol qoydırğısı keledi.

Soltüstik Koreya bwl turalı jasağan mälimdemesinde, eger Qwrama Ştattıñ Soltüstik Koreyağa bağıttağan sankciyası tolastamasa, onda Pioñyañ (Phen'yan) biligi «bayıptı türde» yadrolıq sınaqtardı qalpına keltirudi qarastıratının jetkizgen edi. Alayda, Pompeo jeksenbi küni Fox News arnasınıñ swhbatın qabıldağanda bwl qauipti joqqa şığardı. Ol sözinde: «Men bwl turalı alañdamaymın. Bizdiñ bağıtımız ayqın, äri kelissözge keletin qarsı jaqtı da anıq tüsinemiz. Prezident Tramptıñ bwl mäseledegi bağıtı ayqın», – dedi.

Pompeo Qwrama Ştattıñ öz maqsatına jetpeyinşe ekonomikalıq sankciyanı toqtatpaytının qadap ayttı. Osıdan bwrın da AQŞ Soltüstik Koreya tolıqtay yadrolıq qarusızdanu kelisimine qol qoymay twrıp, ekonomikalıq qısımdı äste bosañsıtpaytının jetkizgen. AQŞ-tıñ bwl şeşimin Soltüstik Koreya öz kezeginde «qaraqşılıq äreket» dep te bağalağan bolatın.

AQŞ memlekettik hatşısı kelissözderdiñ bayau jürilip jatqandığına qaramastan, eki el arasında qarım-qatınastıñ jaqsı jaqqa bet alıp kele jatqanın aytadı. «Mausım ayındağı tarihi kezdesuden keyin biz zımıran sınaqtarın körmedik, yadrolıq sınaqtar da bolğan joq. Al biz bolsaq amerikalıq äskeri küş-jigerimizdi sol küyi saqtap qaldıq. Osınıñ bäri jaqsı qadam emes pe?!»– deydi Pompeo.

“The Qazaq Times”