Jamal Haşoggidiñ azaptı ölimi Saud Arabiyasınıñ taq mwrageri Mwhammed bin Salmannıñ işki elitadağı bedelin älsiretip jiberdi.  Bwl turalı «Washington Post» gazeti mälimdedi.

Baspasöz betiniñ aqparattarına süyensek, qazirgi tañda Er-Riyadtağı hanzada otbasında Mwhammedtiñ ornın almastırudı amalın qarastıruda.

Ahmet bin Abdul-Azizdiñ Londonnan tuğan jerine oraluı, Saud Arabiyasınıñ taq mwragerin özgertui mümkin ekendigine tağı da dälel bolğanday. Sonday-aq tağı bir nwsqa, eger Mwhammed Salman öziniñ orınında qalatın bolsa, onda halıqaralıq arenadağı biligin joğarğı lauazımdı tuısımen bölisui äbden mümkin.

AQŞ prezidenti Donal'd Tramp Salmannıñ eñ bastı jaqtastarınıñ biri ekendigi köpke mälim. Alayda, Türkiya jerindegi oqiğadan keyin, Tramptıñ da Er-Riyadqa qarsı pikir bildirgendiginen, Amerika jerindegi abıroyına nwqsan kelgenin köruge boladı. Sol sekildi Saud Arabiyasın birneşe abıroylı respublikalıqtar men demokrattardıñ da qoldaudan bas tartqandığı belgili.

Eske sala keteyik, Jamal Haşoggi 2 qazanda Istambwldağı Saud Arabiya konsuldığında izim-ğayım joğalıp ketken. Birneşe künnen soñ marqwmnıñ denesi qala mañınan tabıldı. Ötken aptada Saud Arabiyası Haşoggidi konsuldıqta «qılqındırıp öltirgenin» moyındap, halıqarlıq qauımdastıqtıñ qatañ sınına wşıradı. Osıdan keyin «Haşoggi isine» qatısı bar on segiz adamdı twtqınğa aldındı jäne joğarı şendi bes keñesşi lauazımınan ayırıldı.

"The Qazaq Times"