جامال حاشوگگيدىڭ ازاپتى ءولىمى ساۋد ارابياسىنىڭ تاق مۇراگەرى مۇحاممەد بين سالماننىڭ ىشكى ەليتاداعى بەدەلىن السىرەتىپ جىبەردى.  بۇل تۋرالى «Washington Post» گازەتى مالىمدەدى.

ءباسپاسوز بەتىنىڭ اقپاراتتارىنا سۇيەنسەك، قازىرگى تاڭدا ەر-ريادتاعى حانزادا وتباسىندا مۇحاممەدتىڭ ورنىن الماستىرۋدى امالىن قاراستىرۋدا.

احمەت بين ابدۋل-ءازيزدىڭ لوندوننان تۋعان جەرىنە ورالۋى، ساۋد ارابياسىنىڭ تاق مۇراگەرىن وزگەرتۋى مۇمكىن ەكەندىگىنە تاعى دا دالەل بولعانداي. سونداي-اق تاعى ءبىر نۇسقا، ەگەر مۇحاممەد سالمان ءوزىنىڭ ورىنىندا قالاتىن بولسا، وندا حالىقارالىق ارەناداعى بيلىگىن جوعارعى لاۋازىمدى تۋىسىمەن ءبولىسۋى ابدەن مۇمكىن.

اقش پرەزيدەنتى دونالد ترامپ سالماننىڭ ەڭ باستى جاقتاستارىنىڭ ءبىرى ەكەندىگى كوپكە ءمالىم. الايدا، تۇركيا جەرىندەگى وقيعادان كەيىن، ترامپتىڭ دا ەر-ريادقا قارسى پىكىر بىلدىرگەندىگىنەن، امەريكا جەرىندەگى ابىرويىنا نۇقسان كەلگەنىن كورۋگە بولادى. سول سەكىلدى ساۋد ارابياسىن بىرنەشە ابىرويلى رەسپۋبليكالىقتار مەن دەموكراتتاردىڭ دا قولداۋدان باس تارتقاندىعى بەلگىلى.

ەسكە سالا كەتەيىك، جامال حاشوگگي 2 قازاندا ىستامبۇلداعى ساۋد ارابيا كونسۋلدىعىندا ءىزىم-عايىم جوعالىپ كەتكەن. بىرنەشە كۇننەن سوڭ مارقۇمنىڭ دەنەسى قالا ماڭىنان تابىلدى. وتكەن اپتادا ساۋد ارابياسى حاشوگگيدى كونسۋلدىقتا «قىلقىندىرىپ ولتىرگەنىن» مويىنداپ، حالىقارلىق قاۋىمداستىقتىڭ قاتاڭ سىنىنا ۇشىرادى. وسىدان كەيىن «حاشوگگي ىسىنە» قاتىسى بار ون سەگىز ادامدى تۇتقىنعا الدىندى جانە جوعارى شەندى بەس كەڭەسشى لاۋازىمىنان ايىرىلدى.

"The Qazaq Times"