Foto. www.bbc.com

Britandıq habar taratu salasındağı Ofcom qadağalau organı reseylik RT, «REN TV» jäne «NTV Mir» telearnaların nasihattıq habar taratqanı üşin qatañ teksermek. Bwl turalı BBC habarladı.

Litvadağı tele jäne radiohabarların taratu jönindegi ortalıq reseylik telearnalarğa «jalğan habar taratuşı» dep şağım tüsirgen. Sebebi britandıq licenziya boyınşa Europalıq Odaq elderine habar taratatın telearnalar ekinşi düniejüzilik soğıs kezinen Litvağa qatıstı aqparattardı 180 gradusta bwrmalap bergen. Osığan oray särsenbide Ofcom basşısı Şaron Uayt Britaniya parlamentinde «Resey telearnalarına qarastı birşama şağım kelip tüsti. Olar ügit-nasihat jürgizumen aynalısuı äbden mümkin. Sol sebepti biz tekseru şaraların qolğa aldıq» – dedi.

Uayttıñ aytuınşa, RT telearnasına qatıstı Ukrainanıñ şığısındağı qarulı qaqtığıs, Süriyadağı jağday, Skripal'dardıñ ulanuı jäne t. b. ärtürli taqırıptardı qwbıltıp bergeni jäne aqparattıq soğıs jasaudı maqsat etkeni anıqtalıp, tergeu jürgizilude. Qanday jaza qoldanılatını Ofcom tergeui ayaqtalğan soñ belgili boladı.

Jalpı reseylik telearnalar soñğı jıldarı jii sınğa wşırap keledi. Eki jıl bwrın Ofcom Litvanıñ şağımı boyınşa «NTV Mir» telearnasın qayta tergegen bolatın. Osı jıldıñ mamır ayında RT telearnası küdikke ilinip, licenziyadan ayırıluğa az-aq qalğan edi. Oğan Skripal'dardı uladı degen küdiktilermen fantaziyağa tolı jalğan swhbat şığaruı sebep bolğan. Sol kezde Ofcom qaharına ilikken Crosstalk jañalıqtar bağdarlaması jwmısın uaqıtşa toqtatqan bolatın.

"The Qazaq Times"