Foto: www.kramola.info

AQŞ şeteldik propagandadan qorğanu maqsatında ğalamdıq özara is-qimıl ortalığına 45 million dollar qarajat böldi.

2017 jıldan bastap Reseydiñ sayasi ıqpalına qarsı küres jürgize bastağan ortalıq jalpı älemdik aqparattıq qauipten saqtanudı qolğa almaq. Amerika Memlekettik departamenti baspasöz hatşısı Robert Palladinonıñ habarlauınşa, ğalamdıq özara is-qimıl ortalığına bölingen qarajat Qıtay, Resey, Iran, Süriya sındı memleketterdiñ aqparattıq soğısınan qorğanuğa arnalğan. Sonday-aq şeteldik auditoriyanıñ aq-qarasın ajıratıp, ügit-nasihattan saqtandıru arqılı aqparattıq tehnologiyanı damıtuğa küş jwmsaladı.

Ayta keteyik, wlttıq qauipsizdikti nığaytuğa arnalğan ğalamdıq özara is-qimıl ortalığı eks-prezident Barak Obama biligi kezinde jüzege asqan bolatın. Alğaşqı kezde atalğan ortalıq «Islam memleketi», «Mwsılman bauırlar» terrorlıq wyımına qarsı qwrılğan. Qazirgi uaqıtta aqparat salasın şeteldik «qoqıstan» tazartu maqsatında birşama is atqaru josparlanğan.

"The Qazaq Times"