اقش شەتەلدىك پروپاگانداعا قارسى كۇرەس جۇرگىزبەك

اقش شەتەلدىك پروپاگاندادان قورعانۋ ماقساتىندا عالامدىق ءوزارا ءىس-قيمىل ورتالىعىنا 45 ميلليون دوللار قاراجات ءبولدى.

2017 جىلدان باستاپ رەسەيدىڭ ساياسي ىقپالىنا قارسى كۇرەس جۇرگىزە باستاعان ورتالىق جالپى الەمدىك اقپاراتتىق قاۋىپتەن ساقتانۋدى قولعا الماق. امەريكا مەملەكەتتىك دەپارتامەنتى ءباسپاسوز حاتشىسى روبەرت پاللادينونىڭ حابارلاۋىنشا، عالامدىق ءوزارا ءىس-قيمىل ورتالىعىنا بولىنگەن قاراجات قىتاي، رەسەي، يران، ءسۇريا سىندى مەملەكەتتەردىڭ اقپاراتتىق سوعىسىنان قورعانۋعا ارنالعان. سونداي-اق شەتەلدىك اۋديتوريانىڭ اق-قاراسىن اجىراتىپ، ۇگىت-ناسيحاتتان ساقتاندىرۋ ارقىلى اقپاراتتىق تەحنولوگيانى دامىتۋعا كۇش جۇمسالادى.

ايتا كەتەيىك، ۇلتتىق قاۋىپسىزدىكتى نىعايتۋعا ارنالعان عالامدىق ءوزارا ءىس-قيمىل ورتالىعى ەكس-پرەزيدەنت باراك وباما بيلىگى كەزىندە جۇزەگە اسقان بولاتىن. العاشقى كەزدە اتالعان ورتالىق «يسلام مەملەكەتى»، «مۇسىلمان باۋىرلار» تەررورلىق ۇيىمىنا قارسى قۇرىلعان. قازىرگى ۋاقىتتا اقپارات سالاسىن شەتەلدىك «قوقىستان» تازارتۋ ماقساتىندا ءبىرشاما ءىس اتقارۋ جوسپارلانعان.

"The Qazaq Times"