Atalğan kompaniyağa tiesili wşaq bwdan bwrın 2013 jılı apatqa wşırağan. Foto: AFP/BBC.

Indoneziyanıñ Lion Air attı äue kompaniyasına tiesili Boeing 737 jolauşılar wşağı apatqa wşırağanı turalı älem aqparat qwraldarı jazuda. Atalğan wşaq Jakarta (Djakarta) äuejayınan wşıp şığıp, köp ötpey teñizge qwlağan.  Indoneziyanıñ ükimeti taratqan resmi mälimette, Boeing 737 YAva aralınıñ batıs jieginde qwlağanı aytıladı.

Boeing 737 Jakartadan Banka aralındağı Pankalpinang qalasına bet alğan. Äuege köterilip 10 minuttan keyin radardan joğalğan. Indoneziyalıq BAQ-tıñ aytuınşa, wşaqta 178 jolauşı jäne 7 ekipaj müşesi bolğan.

Foto: BBC.

Lion Air aviakompaniyası turalı aqparattardı aqtarğanımızda bilgenimiz – atalğan kompaniya jeke menşik kompaniya, sonday-aq, Indoneziyadağı eñ iri äue kompaniyası bolıp sanaladı. 120-dan astam bağıtqa wşatın 105 wşağı bar. Bwdan bwrın atalğan kompaniyada apattı jağday 2013 jılı tirkelgen eken. Sol ret  Boeing 737 wşağı wşu jolınan köterile almay qalğan, alayda eşkim zardap şekpegen.

Äzirge, kezekti apattan zardap şekkender turalı anıq aqparat joq.

“The Qazaq Times”