Foto: ca-portal.ru

Jaqında Halıqaralıq valyuta qorı 2019 jılğa arnalğan ekonomikalıq boljamın jariyaladı.

Boljam boyınşa, kelesi jılı älem ekonomikası bwrın soñdı bolmağan qiındıqtarğa tap boladı. HVQ mälimetinşe, 2019 jılı sauda soğısı saldarınan älemdik ekonomika 1,52 trln dollar tabısınan ayırıladı. Bwl öz kezeginde jahandıq narıqtıñ 17 payızğa qısqaruına jäne jalpı işki önimniñ 1,9 payızğa azayuına alıp keledi.

Halıqaralıq valyuta qorı sarapşılarınıñ pikirinşe, 2018-2020 jıldarı aralığında älemdik ekonomikanıñ jıldıq ösimi 3,7 payız boladı. Biraq bwl ösim jıl ötken sayın bayaulap, 2022-2023 jıldarğa qaray 3,6 payızğa twraqtaydı. YAğni älemdik ekonomika wzaq uaqıt recessiyalıq kezeñde boladı.

2014 jıldan beri dağdarıstıñ tereñ twñğiığında kele jatqan Qazaqstan üşin HVQ-nıñ bwl boljamı jaqsı emes ekendigi aytpasa da tüsinikti şığar. Dese de, «mwnay inesinde» otırğan elimizdi keler jılı ne kütip twr?» degen swraq kimdi bolsa da alañdatarı anıq. Endi osı swraqqa jauap izdep körsek.

Sarapşılar pikirinşe, Qazaqstan ekonomikası kelesi jılı 2008-2009 jıldardağı dağdarıstanda auır qiındıqtarğa tap boladı. Sebebi Qazaqstan qay uaqıtta bolsa da mwnay bağası  men sırttan keletin investiciyalarğa täueldi. Al kelesi jılı älemdik ekonomikalıq terbeliste sırttan keletin investiciyalar kölemi azayıp, mwnay bağası qwldırauı mümkin.

Jalpı, soñğı ayları AQŞ-tıñ qarjı-nesi sayasatın küşeytui damuşı elderdiñ ekonomikasına oñay tigen joq. Uaşingtonnıñ qısımınan birinşi kezekte Argentina men Türkiya ekonomikası teñseldi. Joğarıda atalğan eki eldiñ ekeuiniñ de wlttıq valyutası qwldıraudıñ älemdik rekordın ornattı. Qwnsızdanu marafonınınan qazaqtıñ teñgeside qalıs qalğan joq. Bizdiñ wlttıq valyutamız äp-sätte Resey rubli men Qıtay yuani bastap twrğan qwldırau tizimine enip ketti.

"The Qazaq Times"