Ädil äl-Jubeyr. Foto: VOA.

Saud Arabiyasınıñ joğarı lauazımdısı apta soñında tağı da mälimdeme jasap, Stambuldağı konsuldıqta Haşoggidiñ öltirilui ülken äri eleuli qatelik bolğanın, Saud ükimeti kinälilerdi qatañ jazalaytının ayttı. Bwl turalı saud arabiyalıq resmi aqparat qwraldarı habarladı.

Saud Arabiyasınıñ SİM basşısı Ädil äl-Jubeyr jeksenbi küni Fox News arnasına bergen swhbatında, saud arabiyalıq agentterdiñ bwl isti «bilik şeginen tıs» jasağanın ayttı. Äri, bwl äreketti ayıptay otırıp, Haşoggidiñ otbası men tuıs-tuğandarına köñil ayttı. Degenmen, Haşoggindiñ qalay öltirildi? Onıñ denesiniñ qayda? Sonday-aq, Saud Arabiyasınıñ nağız bileuşisi patşa ma, älde mwrager hanzada Mwhammed bin Salman ba? – mine bwl qatarlı swraqtarğa äl-Jubeyr jauap bermedi.

Jurnalist Jamal Haşoggi. Foto: Fox News

Biraq ol öz ükimetiniñ ötkizgen qatelikterin aşıq moyındadı. Ol sözinde: «Bwl öreskel qatelik. Al qatelikti jasırıp, isti tipti de qiındata tüsti. Bwl kez-kelgen ükimet üşin de qolaysız jağday», – dedi.

Jwma küni Saud patşalığınıñ biligi resmi mälimdeme taratıp, jurnalist Haşoggidiñ öz konsuldığında ölgenin moyındadı. Äri, 59 jastağı Jamal Haşoggi atıs kezinde oqqa wşqanın ayttı. Bwl mälimdemeden keyin, AQŞ prezidenti bastatqan bir qatar  el basşılarınıñ ayıptauına sebep boldı. Sonımen qatar, älem elderiniñ narazılığı men kümänin tudırdı. AQŞ prezidenti Donal'd Tramp ta bwl iste aldamşı äreketterdiñ bar boluı mümkin ekenin aytqan bolatın.

Haşoggidiñ Stambuldağı Saud konsuldığına kirgen säti. Foto: Anadolı7

Saud Arabiyasınıñ SİM basşısı bolsa, ne is bolğanı turalı anıq mälimetke ie ekendikterin, iske qatısı bar kinälilerdi qatañ jazalauğa Saud biliginiñ uäde bergenin alğa tarttı. Jwma küngi habarda, osı mäselege baylanıstı patşa Salman äs-Saud eki birdey joğarı lauazımdı twlğanı jwmıstan şığarğanın, iske qatısı bar delingen 18 agenttiñ qamauğa alınğanı aytılğan.

“The Qazaq Times”