Steffan de Mistura. Foto: Washington Times.

BWW-nıñ Süriya isi boyınşa arnayı ökili Staffan de Mistura mälimdeme jasap, qızmetinen ketetinin ayttı. Ol bwl qızmetin osıdan tört jıl bwrın öz mindetine alğan bolatın.

Staffan de Mistura BWW Qauipsizdik keñesiniñ Süriyadağı jwmıstarı turalı mälimetter bere otırıp,  öziniñ qaraşanıñ soñında qızmetten ketetinin jetkizdi. Onıñ aytuınşa, qızmetten ketuine jekelegen sebepteri bolğan.

BWW ökiliniñ aytuınşa, qazir Qauipsizdik keñestiñ Süriyadağı eñ negizgi qolğa alğan jwmıstarınıñ biri Konstituciyalıq komitetti qwru. Äri bwl Komitettiñ ıqpalın qalıptastıru. BWW-nıñ talaptarı boyınşa komitetke eşqanday sayasi toptar biligin jürgize almauı tiis jäne komitet müşeleriniñ 30 payızı äyelderden qwraluı kerek.

Staffan de Mistura Süriyadağı mindetiniñ soñğı bir ayında osı mäselege bar küşin salıp jwmıs isteytinin aytadı. Ol sözinde: «Eger qwrılğan komitet senimsiz bolsa, onı bwnıñ keregi joq. Bizge Konstituciyalıq komitettiñ şınayı äri senimdi bolğanı qajet», – degen.

Staffan de Mistura Süriya ükimetiniñ şaqıruımen aldağı aptada sol elge saparmen baradı. Beybit Süriya qwru turalı negizgi mäselelerdi talqığa saladı. Sonday-aq, Astana otırısındağı elder qazannıñ soñında Jenevada bas qosatın boladı.

“The Qazaq Times”