ستەففان دە ميستۋرا. فوتو: Washington Times.

بۇۇ-نىڭ ءسۇريا ءىسى بويىنشا ارنايى وكىلى ستاففان دە ميستۋرا مالىمدەمە جاساپ، قىزمەتىنەن كەتەتىنىن ايتتى. ول بۇل قىزمەتىن وسىدان ءتورت جىل بۇرىن ءوز مىندەتىنە العان بولاتىن.

ستاففان دە ميستۋرا بۇۇ قاۋىپسىزدىك كەڭەسىنىڭ سۇرياداعى جۇمىستارى تۋرالى مالىمەتتەر بەرە وتىرىپ،  وزىنىڭ قاراشانىڭ سوڭىندا قىزمەتتەن كەتەتىنىن جەتكىزدى. ونىڭ ايتۋىنشا، قىزمەتتەن كەتۋىنە جەكەلەگەن سەبەپتەرى بولعان.

بۇۇ وكىلىنىڭ ايتۋىنشا، قازىر قاۋىپسىزدىك كەڭەستىڭ سۇرياداعى ەڭ نەگىزگى قولعا العان جۇمىستارىنىڭ ءبىرى كونستيتۋتسيالىق كوميتەتتى قۇرۋ. ءارى بۇل كوميتەتتىڭ ىقپالىن قالىپتاستىرۋ. بۇۇ-نىڭ تالاپتارى بويىنشا كوميتەتكە ەشقانداي ساياسي توپتار بيلىگىن جۇرگىزە الماۋى ءتيىس جانە كوميتەت مۇشەلەرىنىڭ 30 پايىزى ايەلدەردەن قۇرالۋى كەرەك.

ستاففان دە ميستۋرا سۇرياداعى مىندەتىنىڭ سوڭعى ءبىر ايىندا وسى ماسەلەگە بار كۇشىن سالىپ جۇمىس ىستەيتىنىن ايتادى. ول سوزىندە: «ەگەر قۇرىلعان كوميتەت سەنىمسىز بولسا، ونى بۇنىڭ كەرەگى جوق. بىزگە كونستيتۋتسيالىق كوميتەتتىڭ شىنايى ءارى سەنىمدى بولعانى قاجەت»، – دەگەن.

ستاففان دە ميستۋرا ءسۇريا ۇكىمەتىنىڭ شاقىرۋىمەن الداعى اپتادا سول ەلگە ساپارمەن بارادى. بەيبىت ءسۇريا قۇرۋ تۋرالى نەگىزگى ماسەلەلەردى تالقىعا سالادى. سونداي-اق، استانا وتىرىسىنداعى ەلدەر قازاننىڭ سوڭىندا جەنەۆادا باس قوساتىن بولادى.

“The Qazaq Times”