Amerika Qwrama Ştattarınıñ Qorğanıs ministri Jeyms Metiss V'etnamnıñ oñtüstigindegi Hoşimin qalasına saparlay bardı. Bwl Pentagon basşısınıñ biıl V'etnam sındı «eski jauına» jasağan ekinşi retki saparı. Bwl turalı VOA aqparattıq qızmeti habarladı.

Mettis saparında Hoşimin qalasınıñ soltüstigindegi köne äue bazasına bardı. Bwl köne äue bazasında AQŞ-tıñ V'etnamdağı soğısınıñ ayğaqtarı bar. AQŞ äskeri 1960-şı jıldardıñ soñı jäne 1970-şi jıldardıñ basında ädette «apel'sin agentteri» dep atalatın ülken defolianttardı joyğan bolatın. Eki el arasındağı ıntımaqtastıq jandanğannan keyin, AQŞ ükimeti tört jıl bwrın aymaqtağı lastanudı tazartuğa uäde etti. AQŞ-tıñ Halıqaralıq damu jönindegi agenttigi osı jerdegi topıraqtı tazartu jobasın bastaudı josparlap otır. Jobanıñ qwnı 390 million AQŞ dolların qwraydı jäne birneşe jıl uaqıttı qajet etedi.

Pentagon basşısı osı äu bazasına jasağan saparı kezinde, Qwrama Ştattıñ öz uädesin orındap, V'etnam soğısındağı zardaptardı tazartuğa, ötkenniñ jarasın jazuğa tırısatının ayttı. Ol jäne V'etnam soğısınan qalğan bwl mäseleler, eki eldiñ qorğanıs ıntımaqtastığın bekemdeuge negiz bolğanın da aytıp ötti.

Soñğı bir eki jıldan beri AQŞ pen V'etnam arasındağı qorğanıs ıntımaqtastığı jedel damıdı. Mettis Pentagon basşısı bolğannan beri eki jaqtıñ qorğanıs vedomstvoları köbirek kezdesu ötkizdi. Tipti Mettis eki AQŞ pen V'etnam öñirdiñ qauipsizdigine baylanıstı strategiyalıq közqarastarı ortaq dep te bağalağan.

Bwlay aytuındağı sebep, Qwrama Ştat ta, V'etnam da Qıtaydıñ Oñtüstik Qıtay teñizindegi äskeri qadamdarı öñir qauipsizdigine bastı qater dep sanaytındığı. Onıñ üstine Qıtay men V'etnam arasında atalğan teñizde şekara dauı äli künge deyin şeşilmey keledi.

AQŞ pen V'etnam arasındağı qorğanıs ıntımaqtastığınıñ küşeyui Qıtaydı osı aymaqta tipti de oqşaulay tüsti. Qıtay öziniñ territoriyasınıñ batısı, oñtüstik batısı jäne soltüstiginde ırıqtılıqqa ie bolğanımen, däl osı V'etnam, Filippin, Malayziya, Tayland, M'yanma, Indoneziya, Tayuan (Tayvan),  Japoniyağa jalğasqan teñiz alabında älsizdigi anıq bayqaladı. Oñtüstik Qıtay teñizindegi dau-damay atalğan elder men Qıtay arasındağı ülken bäseke deuge de boladı. Onıñ üstine bwl elder qazir AQŞ pen Australiyanıñ qoldauına ie bolğan. Bwl Qıtaydıñ teñizdegi jolın tipti de tarılta tüsti.

“The Qazaq Times”