Foto: pbs.twimg.com

Mäskeu kiberkeñistikti oñtaylı paydalanu arqılı twraqsızdandıru strategiyasın jürgizip otır. Onıñ bastı maqsatı – şağın elderdiñ batıstıq demokratiyalıq ülgide odaqqa kiruine kedergi jasau, deydi Britaniyanıñ bwrınğı Sırtqı ister ministri Uil'yam Heyg «Daily Telegraph» basılımında.

Heygtiñ pikirinşe, Oñtüstik jäne Şığıs Europa elderinde reseylik kiberoperaciyalardıñ auqımı alañdauşılıqpen qatar küdik tuğızadı. Batıs sayasi bağıttı wstana almay, bölinip jatqanda, prezident Vladimir Putin jahannıñ bolaşağına nwqsan keltirip otır. 2014 jıldan bastalğan Ukraina regresi men malayziyalıq MH-17 wşağınıñ apatı sözimizdiñ ayqın däleli. Resey Qırımdı anneksiyalap, Ukrainanıñ artta qaluına ıqpal etti.

Al 2016 jılı Resey azamattarı Çernogoriyanı NATO-ğa engizbes üşin qoldan töñkeris wyımdastırdı. Bwl mısaldardan bölek, Resey bwrınğı YUgoslaviya Respublikasınıñ Makedoniya atauın ielenu turalı referendumınıñ mañızın tömendetu üşin demokratiyalıq saylauda twraqsızdandıru dağdıların paydalandı. Reseylik hakerler bwl jolı saylau basşılarınıñ atınan feyktik akkauntar aşıp, jalğan nasihattıq habarlar tarattı. Eger de osı referendum jüzege asqanda, Makedoniya EO men NATO-ğa müşe bolatın edi. Soñğı saylaular men sayasi mañızı bar oqiğalarda Resey tarapınan türli «qwytırqı» ädister orındalıp keldi dep ayta alamız. Bosniya-Gercegovina biligine Mäskeu odaqtası Milorad Dodiktiñ kelui – Balqan tübegindegi elderdiñ beybitşilik kelisimine qol jetkizuin qiındattı. Mwnı Serbiya men Kosovo köşbasşıları arasındağı jalpı şekaranıñ özgerui turalı kelissözdermen baylanıstıruğa boladı.

Maqala avtorı Uil'yam Heyg Uaşington men Bryussel'diñ şekaralardı qayta qarauğa kelisip otırğanı jazğan. Resey bwl jospardıñ talqılanatınına asa senimdi, al  Germaniya tarapı şekaranıñ özgerui eski jaralardı qayta aşıp, baylanıstı qiındata tüsedi dep sanaydı. 2010 jılı Britaniya SİM basşısı retinde Balqanğa birneşe ret diplomatiyalıq maqsatta sapar şekken Heyg Reseydiñ Europa kartasın «özgertip», şekaranı keñeytu turalı josparınıñ bar ekenin bayqağan. Jäne avtor basqa elderdiñ Putinniñ bwl josparına qarsı boluı tiis deydi.

Vladimir Putin Europa şekaraların tüzetu arqılı 10 jıl bwrın Gruziyadan alınğan Abhaziya men Oñtüstik Osetiyanı resmi türde RF qwramına qosudı qalaydı. Sonımen qatar, Ukraina men Vengriya arasına «ot salıp», eki eldiñ jağdayın tipti uşıqtırıp jiberuden tayınbaydı. Demek, qazir Putin Resey şekarasın barınşa keñeytip, älsizderge küş qoldanu arqılı öz josparın jüzege asırmaq. Britaniya sayasatkeri Uil'yam Heygtiñ oyı osınday.

Layıqtı citata

Uil'yam Heyg: «Putin şetten engen swrapıl sankciyalarğa qaramastan, Europa kartasın qayta sızudı qalaydı. Biraq, AQŞ pen Wlıbritaniya bwğan jol bere qoymas. Şekara taqırıbı arqılı birneşe dünieniñ basın aşıp aluğa boladı. Resey özine edäuir älsiz damuşı jäne artta qalğan memleketterdiñ bolaşağına «balta şauıp», kez kelgen uaqıtta Batıspen jaqındasu mümkindigine nwqsan keltirudi közdeydi...»

"The Qazaq Times"