Resey Sırtqı ister ministri Sergey Lavrov reseylikterdiñ Niderlandığa barğan saparında himiyalıq qarudı paydalanuğa tıyım salatın wyımnıñ mälimetteri wrlanbağan dep mälimdedi.
Italiyanıñ Sırtqı ister ministrimen birge ötken baspasöz konferenciyasında: «Osı jıldıñ säuir ayında reseylik mamandardıñ Gaagağa saparında qwpiya eşteñe bolğan joq. Olar qonaq üyge, äuejayğa jäne bizdiñ elşiligimizge barğan kezde de jasırın äreket jasağan joq», – dedi Lavrov.
Lavrovtıñ aytuınşa, Resey azamattarın eş negizsiz twtqınğa alu tüsinbeuşilik tuğızadı. «Gollandiyalıq baspasöz betterinde bwl adamdardıñ kiberşabuılmen aynalısqanı turalı aqparat jariyalandı. Bizdiñ tarap osı oqiğanıñ basın aşpaq bolıp, Niderlandı elşisin Sırtqı ister ministrligine şaqırıp, egjey-tegjeyli swradıq. Biraq olar naqtı derekközderin körsete almadı», – deydi.
Gaagadağı tergeu
Skripal' oqiğasınan keyin Reseydiñ ekonomikalıq jağdayına orasan zor nwqsan kelude. AQŞ pen Wlıbritaniya joldağan tolassız sankciyalar reseylik narıqtı qos büyirden qısıp twr. Bwl qatarğa gollandiyalıq tergeu de qosıldı.
Ötken aptada Niderlandınıñ Qorğanıs ministrligi Gaagadağı himiyalıq qaruğa tıyım salu jönindegi wyımnıñ ştab-päteriniñ komp'yuterlik jelisin bwzğısı kelgen tört reseylik qızmetkerdiñ elden quılğanın habarlağan bolatın. Osıdan keyin HQTW Süriyadağı himiyalıq şabuıldardı jäne barlau basqarmasınıñ bwrınğı qızmetkeri Sergey Skripal' men onıñ qızı YUliyanıñ Solsberidegi ulanuına qatıstı qozğalğan isti tekseruge qatıstı. Zertteuden soñ gollandtıq Qorğanıs ministrligi Skripal'di ulauğa jiberilgen adamdardıñ attarın atadı. Gollandiyalıq äskeri barlaudıñ mälimetteri boyınşa, tört küdikti Resey bas ştabınıñ arnayı qızmetkerleri. Osı küdiktilerdiñ biri Donbassta MH-17 reysiniñ apatqa wşırauı turalı fayldardı hakerlik jolmen wrlağan.
Baspasöz mäslihatı barısında Wlıbritaniya ökili atalğan äskeri bölimniñ qızmetkerleri osı jıldıñ naurız ayında Sergey Skripal' ulanğannan keyin Britan Sırtqı ister ministrliginiñ jelilerine şabuıl jasağanın ayttı. Halıqaralıq zertteuler men derekterge qaramastan, özine tağılğan ayıptardan ädettegidey jaltarıp otırğan Resey tarapın gollandiyalıq baspasöz «nağız şpionaj wyımdastıruşılar» – dep ayıptadı. Al Britaniya basılımdarı «endi Reseydiñ küluge de mwrşası bolmaydı» – degen.
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı