Pentagonnıñ bwrınğı basşısı Çak Heygel. Foto: Golos Ameriki.

AQŞ-tıñ bwrınğı qorğanıs ministri Çak Heygel sol eldegi BAQ-qa bergen swhbatında, Tramp ükimetiniñ Süriya men Iranğa bağıttalğan strategiyaların sınğa aldı. Bwl turalı Defense One basılımı jariyaladı.

Çak Heygel pikirinde Qwrama Ştattıñ Süriyadağı qarulı küşteri eldiñ jartısında öz baqılauına ala almağanın atap ötti.  Ol jäne qazirgi AQŞ ükimetiniñ Süriya jerindegi Iran äskeri mümkindikterin küyretu josparların sınğa alıp: «Ondağı 2 mıñ äskermen Iran äskerlerin Süriyadan şığara almaysıñ», – dedi.

Heygel sözinde: «Süriyağa, Iranğa nemese reseylikterge qanday da bir qauip tönip twrğanı turalı aytudıñ özi aqımaqtıq. Şın mänisinde öñirdegi olardıñ mümkindikteri bizden älde qayda joğarı», – degen pikirin aytadı.

Pentagonnıñ bwrınğı basşısı qazirgi Tramp ükimetine Qwrama Ştattıñ Orta Şığıs eli emes ekenin, Irannıñ sol öñirde ornalasqanın, köptegen mäselelerde Irannıñ mümkindigi AQŞ-tan basım bolatının eskertti.

“The Qazaq Times”