Irannıñ ballistikalıq zımırandarı. Foto: Breitbart.

Iran äue küşteri särsenbi küni mälimdeme jasap, Iran armiyasınıñ Süriya jerinde jasağan äskeri operaciyasınan DAIŞ wyımınıñ 40 qolbasşısı ölgenin, sonıñ işinde wyımnıñ Mosuldağı joğarı qolbasşısı da qaza tapqanın ayttı. Bwl turalı sol eldiñ IRNA aqparattıq agenttigi habarladı.

Islam revolyuciyasınıñ Saqşılar korpusı Äue küşteriniñ bas qolbasşısı Amirali Hadjizade . Foto: IRNA.

Atalğan mälimdemeni Islam revolyuciyasınıñ Saqşılar korpusı Äue küşteriniñ bas qolbasşısı Amirali Hadjizade jasadı. Ol sözinde: «Evfrattıñ şığısındağı Abu-Kemalğa jasalğan zımıran şabuıldar kezindegi beyne jazbalar barlıq zımırandardıñ nısanağa tigenin däleldedi. Bwl retki operaciyağa alğaş ret tolıqtay wşqışsız wşu qwrılğısı arqılı jüzege asırıldı», – dedi.

Amirali Hadjizadeniñ mälimetine qarağanda, şabuıl nısanasına jaqın mañda AQŞ bazaları bolğan. Alayda, Iran zımırandarı koaliciya küşterine ziyan keltirmegen. Onıñ aytuınşa, bwl da Iran äue küşteriniñ kezekti operaciyasınıñ däldigi men joğarı deñgeyin körsetedi eken.

“The Qazaq Times”