يراننىڭ بالليستيكالىق زىمىراندارى. فوتو: Breitbart.

يران اۋە كۇشتەرى سارسەنبى كۇنى مالىمدەمە جاساپ، يران ارمياسىنىڭ ءسۇريا جەرىندە جاساعان اسكەري وپەراتسياسىنان دايش ۇيىمىنىڭ 40 قولباسشىسى ولگەنىن، سونىڭ ىشىندە ۇيىمنىڭ موسۋلداعى جوعارى قولباسشىسى دا قازا تاپقانىن ايتتى. بۇل تۋرالى سول ەلدىڭ IRNA اقپاراتتىق اگەنتتىگى حابارلادى.

يسلام رەۆوليۋتسياسىنىڭ ساقشىلار كورپۋسى اۋە كۇشتەرىنىڭ باس قولباسشىسى اميرالي حادجيزادە . فوتو: IRNA.

اتالعان مالىمدەمەنى يسلام رەۆوليۋتسياسىنىڭ ساقشىلار كورپۋسى اۋە كۇشتەرىنىڭ باس قولباسشىسى اميرالي حادجيزادە جاسادى. ول سوزىندە: «ەۆفراتتىڭ شىعىسىنداعى ابۋ-كەمالعا جاسالعان زىمىران شابۋىلدار كەزىندەگى بەينە جازبالار بارلىق زىمىرانداردىڭ نىساناعا تيگەنىن دالەلدەدى. بۇل رەتكى وپەراتسياعا العاش رەت تولىقتاي ۇشقىشسىز ۇشۋ قۇرىلعىسى ارقىلى جۇزەگە اسىرىلدى»، – دەدى.

اميرالي حادجيزادەنىڭ مالىمەتىنە قاراعاندا، شابۋىل نىساناسىنا جاقىن ماڭدا اقش بازالارى بولعان. الايدا، يران زىمىراندارى كواليتسيا كۇشتەرىنە زيان كەلتىرمەگەن. ونىڭ ايتۋىنشا، بۇل دا يران اۋە كۇشتەرىنىڭ كەزەكتى وپەراتسياسىنىڭ دالدىگى مەن جوعارى دەڭگەيىن كورسەتەدى ەكەن.

“The Qazaq Times”