Иранның баллистикалық зымырандары. Фото: Breitbart.

Иран әуе күштері сәрсенбі күні мәлімдеме жасап, Иран армиясының Сүрия жерінде жасаған әскери операциясынан ДАИШ ұйымының 40 қолбасшысы өлгенін, соның ішінде ұйымның Мосулдағы жоғары қолбасшысы да қаза тапқанын айтты. Бұл туралы сол елдің IRNA ақпараттық агенттігі хабарлады.

Ислам революциясының Сақшылар корпусы Әуе күштерінің бас қолбасшысы Амирали Хаджизаде . Фото: IRNA.

Аталған мәлімдемені Ислам революциясының Сақшылар корпусы Әуе күштерінің бас қолбасшысы Амирали Хаджизаде жасады. Ол сөзінде: «Евфраттың шығысындағы Абу-Кемалға жасалған зымыран шабуылдар кезіндегі бейне жазбалар барлық зымырандардың нысанаға тигенін дәлелдеді. Бұл реткі операцияға алғаш рет толықтай ұшқышсыз ұшу құрылғысы арқылы жүзеге асырылды», – деді.

Амирали Хаджизаденің мәліметіне қарағанда, шабуыл нысанасына жақын маңда АҚШ базалары болған. Алайда, Иран зымырандары коалиция күштеріне зиян келтірмеген. Оның айтуынша, бұл да Иран әуе күштерінің кезекті операциясының дәлдігі мен жоғары деңгейін көрсетеді екен.

“The Qazaq Times”