AQŞ äue küşteri jelilik qauipsizdik oqıtuı. (2018 jılğı 12 qırküyek). Foto: VOA.

NATO 2014 jılı jelilik soğıstı (ğalamtordağı şabuıl jäne qorğanıs) qwrlıq, teñiz jäne äue soğıstarımen qatar män beretinin bildirdi. Biraq, osığan deyin jelilik soğısqa baylanıstı şaralar men josparları turalı mälimet taratpağan.

Jaqında Pentagon lauazımdıları bwğan baylanıstı derektiñ wşın şığardı. Olardıñ aytuınşa eger Qwrama Ştat tarabı NATO-nıñ wsınısın qabıl alsa, onda NATO AQŞ-tıñ jelilik şabuıldau jäne qorğanıs jelisiniñ mümkindikterin paydalanbaq. Bwl turalı VOA jañalıqtar qızmeti habarladı.

AQŞ Qorğanıs ministrligi Halıqaralıq qauipsizdik mäseleleri jönindegi hatşısı Vil'barje, Pentagon basşısı Jeyms Mettispen birge Europağa jasağan saparı kezinde atalğan mäsele turalı jurnalisterge jauap berdi. «Biz aldağı uaqıtta resmi türde habarlaytın bolamız, eger Qwrama Ştat maqwldığın berse, NATO sol arqılı jelilik soğıs mümkindikterin qamtamasız etuge dayın», – dedi Vil'barje.

NATO-ğa müşe memleketterdiñ jaqında ötken jinalısı kezinde NATO-nıñ jelilik operaciyaların üylestiru üşin wyımğa jaña ortalıq qwrılatını belgili bolğan edi. Bwğan qosa, wyımğa müşe memleketterdiñ jelilik mümkindikteri men birıñğay äreket etudi qalay ortaqtastıru isterin talqılağan bolatın.

NATO müşeleri arasında Qwrama Ştattar, Wlıbritaniya, Germaniya, Norvegiya, Ispaniya, Daniya jäne Niderlandı bıltır ğana ortaq äskeri kiberqauipsizdik qağidasın jasağan edi.

“The Qazaq Times”