Foto: EPA

Türkiyanıñ Edirne qalasınıñ jağalau mañında ürlenetin qayıq suğa batıp ketti. Hurriyet saytınıñ  habarlauınşa, qayıqta 12  zañsız bosqın bolğan.

Grekiya şekarasına ötuge talpınğan süriyalıq on azamat pen olardıñ osı saparların wyımdastıruşı eki türik mingen qayıq qolaysız aua-rayınıñ saldarınan audarılğan. Apattı jağday jağalaudan 60 şaqırım qaşıqtıqta bolğan. Türkiya azamattarı men süriyalıq üş azamat qwtqarılğan, tağı eki bosqındı izdestiru jwmıstarı jürgizilude.  Jergilikti organdardıñ habarlauınşa, qalğan azamattar qaza tapqan. Bwdan bwrın osı jıldıñ jeti ayı işinde Europağa jetuge talpınğan 1500-den astam bosqın Jerorta teñizinde qaza tapqanı turalı habarlanğan bolatın.  Sonımen qatar, 2018 jıldıñ qañtar ayınan beri Jerorta teñizin 60 mıñnan astam bosqın kesip ötken. Resmi mälimet boyınşa, Ispaniya Europanıñ eñ şielenisti mäseleleriniñ birine aynalğan bosqındardı qabıldaytın bastı nısan bolıp otır. Biıl onıñ porttı qalası 23,5 mıñ bosqındı qabıldağan. Al, Italiyağa 18 mıñ, Grekiyağa 16 mıñ bosqın bas sauğalağan.

“The Qazaq Times”