Irannıñ yadrolıq mäselesine qatıstı «Ortaq qadam» jan-jaqtı bağdarlaması»  kelisimşartına qol qoyuşı elder AQŞ-tıñ odan şığuına baylanıstı Iran eksportınıñ tölemderin jeñildetu üşin jaña mehanizm qwru nietinde ekenin jariyaladı. Oğan mwnay salası da kiredi, - dep habarlağan «Deutsche Welle» .

Bwl Wlıbritaniya, Qıtay, Franciya, Germaniya, Resey jäne EO-nıñ BWW-nıñ N'yu-Yorktegi jabıq otırısınan keyin jasağan mälimdemelerinde aytılğan.

«Eleuli nätijelerdiñ qajettiligi men özektiligin nazarğa ala otırıp, Irannıñ yadrolıq bağdarlamasına qatısuşı elder tölem kanaldarın damıtıp, qoldau körsetudi, äsirese Iran mwnayımen qosa, onıñ barlıq eksportımen baylanıstı tölemderin jeñildetuge arnalğan arnayı mehanizm (Special Purpose Vehicle, SPV) qwru bastamasın qwptaydı», - delingen mälimdemede. Atalğan elder «Iranmen zañdı biznesti jüzege asıru üşin özderiniñ ekonomikalıq operatorlarınıñ erkindigin qorğauğa» dayın ekenin de habarlağan. EO diplomatiyasınıñ basşısı Federika Mogerini jaña mehanizm qwru turalı şeşimniñ qabıldanıp qoyğanın, odan ärgi jwmıstarı üşin tehnikalıq sarapşılardıñ tağı da kezdesetinin habarladı.

Üstimizdegi jıldıñ mamır ayınıñ basında Donal'd Tramp 2015 jılı Iran, AQŞ, Resey, Qıtay, Wlıbritaniya, Franciya jäne Germaniya elderiniñ arasında jasalğan «Ortaq qadam» jan-jaqtı bağdarlamasınan» şığatının habarlağan edi. Atalğan kelisimşart Tehrannıñ öziniñ yadrolıq bağdarlamasın şekteuge qatıstı birqatar qadamdardı orındauğa mindettelgen bolatın. Esesine, oğan salınğan sankciyalar alınıp tastalğan edi. Keyin, Uaşington odaqtas-elderinen irandıq mwnaydı satıp almaudı talap etip, äri Iranmen ıntımaqtasuşı kompaniyalarğa sankciya salatının eskertip, Iranğa qarsı sankciya engizgen edi. Degenmen, Tramptıñ bwl şeşimin sınağan özge elder (Kelisimşartqa qol qoyuşı elder) Iranmen aradağı kelisimşarttı saqtap qalu nietinde ekenin mälimdegen bolatın.  Endi, EO-ğa müşe-elder Iranmen zañdı qarjılıq operaciyalardı jeñildetuge arnalğan zañdı twlğa qwrmaq. "Bwl — europalıq kompaniyalarğa Europa Odağınıñ zañına säykes Iranmen sauda-sattıq jasasuğa mümkindik beredi", - degen F.Mogerini.

“The Qazaq Times”