Foto: EPA

AQŞ memlekettik departamenti Reseydiñ barlau jäne qorğanıs salasımen jwmıs isteytin 33 zañdı jäne jeke twlğalarğa sankciya engizdi. Bwl turalı «yeniakit.com.tr» AQŞ memlekettik departamentiniñ resmi ökili Hizer Nauerttiñ mälimdemesine silteme jasap habarlaydı.

Onıñ aytuınşa, sankciyağa wşırağan twlğalar men wyımdar Resey Federaciyası ükimetiniñ qorğanıs jäne barlau salalarınıñ atınan nemese solardıñ müddesi üşin qızmet etuşi bolıp tabıladı. Sonımen qatar, Memdepartamenttiñ şeşimimen olarmen qanday da bir kelisimşart jasauğa tıyım salınadı. Osı tıyımdı bwzğan twlğağa da sankciya salınadı. Sankciyağa wşırağan tizimniñ arasına «ÇVK Vagnera» (ÇVK – jekemenşik äskeri kompaniya, «Vagner» jasağı), aviazauıt, internet-zertetu agenttigi, «Concord Management and Consulting» jäne «Concord Catering» JŞS, Evgeniy Prigojin (BAQ tarapınan RF Vladimir Putinniñ «aspazı» degen atauğa ie reseylik oligarh) bastağan jeke twlğalar da bar. Odan bölek, AQŞ Reseydiñ «Rosoboroneksport» memlekettik wyımımen iri kelisimşart jasasqandarı üşin  Qıtaydıñ Ortalıq äskeri komissiyasınıñ janındağı qaru-jaraq öñdeu Bölimi men onıñ direktorı Li Şanfağa qarsı da sankciya saldı. Memdepartament ökiliniñ mälimdemesinde Reseyge qarsı sankciyalardıñ AQŞ prezidenti Donal'd Tramp keşe ğana qol qoyğan jarlıqtıñ negizinde engizilgeni habarlandı.

“The Qazaq Times”