اقش ءپۋتيننىڭ «جەكە اسپازىنا» سانكتسيا ەنگىزدى

اقش مەملەكەتتىك دەپارتامەنتى رەسەيدىڭ بارلاۋ جانە قورعانىس سالاسىمەن جۇمىس ىستەيتىن 33 زاڭدى جانە جەكە تۇلعالارعا سانكتسيا ەنگىزدى. بۇل تۋرالى «yeniakit.com.tr» اقش مەملەكەتتىك دەپارتامەنتىنىڭ رەسمي وكىلى حيزەر ناۋەرتتىڭ مالىمدەمەسىنە سىلتەمە جاساپ حابارلايدى.

ونىڭ ايتۋىنشا، سانكتسياعا ۇشىراعان تۇلعالار مەن ۇيىمدار رەسەي فەدەراتسياسى ۇكىمەتىنىڭ قورعانىس جانە بارلاۋ سالالارىنىڭ اتىنان نەمەسە سولاردىڭ مۇددەسى ءۇشىن قىزمەت ەتۋشى بولىپ تابىلادى. سونىمەن قاتار، مەمدەپارتامەنتتىڭ شەشىمىمەن ولارمەن قانداي دا ءبىر كەلىسىمشارت جاساۋعا تىيىم سالىنادى. وسى تىيىمدى بۇزعان تۇلعاعا دا سانكتسيا سالىنادى. سانكتسياعا ۇشىراعان ءتىزىمنىڭ اراسىنا «چۆك ۆاگنەرا» (چۆك – جەكەمەنشىك اسكەري كومپانيا، «ۆاگنەر» جاساعى), اۆيازاۋىت، ينتەرنەت-زەرتەتۋ اگەنتتىگى، «Concord Management and Consulting» جانە «Concord Catering» جشس، ەۆگەني پريگوجين (باق تاراپىنان رف ۆلاديمير ءپۋتيننىڭ «اسپازى» دەگەن اتاۋعا يە رەسەيلىك وليگارح) باستاعان جەكە تۇلعالار دا بار. ودان بولەك، اقش رەسەيدىڭ «روسوبورونەكسپورت» مەملەكەتتىك ۇيىمىمەن ءىرى كەلىسىمشارت جاساسقاندارى ءۇشىن  قىتايدىڭ ورتالىق اسكەري كوميسسياسىنىڭ جانىنداعى قارۋ-جاراق وڭدەۋ ءبولىمى مەن ونىڭ ديرەكتورى لي شانفاعا قارسى دا سانكتسيا سالدى. مەمدەپارتامەنت وكىلىنىڭ مالىمدەمەسىندە رەسەيگە قارسى سانكتسيالاردىڭ اقش پرەزيدەنتى دونالد ترامپ كەشە عانا قول قويعان جارلىقتىڭ نەگىزىندە ەنگىزىلگەنى حابارلاندى.

“The Qazaq Times”