Foto: worldbulletin.net

Ukraina prezidenti Petro Poroşenko Ukraina men Resey arasındağı Dostıq, Intımaqtastıq jäne seriktestik kelisiminiñ küşin joyu turalı jarlıqqa qol qoydı, - dep habarlaydı trt.net.tr.

Küşi joyılğan kelisimge 1997 jılı qol qoyılıp, ol eki el arasındağı qwjattardıñ mañızdısı äri eñ bastısı bolıp kelgen. Sondıqtan da, osı qwjattıñ ayasında atalğan eki el «strategiyalıq seriktes» retinde tanılıp kelgen-di. Endi, Ukraina prezidenti Poroşenko qol qoyğan jarlıq osı mañızdı qwjattıñ küşin joydı. Bwğan deyin Ukrainanıñ Sırtqı ister ministri Pavel Klimkin Ukrainanıñ Reseymen aradağı barlıq kelisimşarttardı qayta qarauğa bağıttalğan naqtı josparı bar ekenin, sonıñ ayasında Kievtiñ halıqaralıq sottağı poziciyasın saqtau josparlanğanın mälimdegen edi.  «Resey Federaciyasımen aradağı barlıq kelisimşarttardı tekseru bizdiñ kelisimşarttıq bazamızdı tolıqtay qayta qarauımızdı bildirmeydi. Onıñ artında ülken strategiya bar», - degen bolatın P.Klimkin.

Ministr sol kezde Ukrainanıñ Reseymen aradağı Dostıq, Intımaqtastıq jäne seriktestik kelisiminiñ eşqaşan üzilmegenin atay kele: «Reseymen aradağı kelisimşarttıq-qwqıqtıq baza tolıqtay qayta tekseruden ötkiziledi. Ärbir kelisimşarttıñ soñında onıñ qalay ayatalatını turalı ereje bar. Äri bizde özimizdiñ işki josparlarımız jetedi. Eger, olardı jariyalaytın bolsaq, Resey onı sot isterinde bizge qarsı qoldanatın boladı», - degen edi. Endi, sol josparlarınıñ jemisi retinde,  Ukraina tarapı Reseymen aradağı Dostıq, Intımaqtastıq jäne seriktestik kelisimine nükte qoydı.

“The Qazaq Times”