El Pais

Ukraina biligi Resey Federaciyasına Dostıq, ıntımaqtastıq jäne seriktestik turalı Kelisimşarttı wzartpaytındığı turalı nota jiberdi. Bwl turalı TASS RF Sırtqı ister ministrligi, TMD departamentiniñ direktorı Andrey Rudenkonıñ sözine silteme jasap habarlaydı.

«Ukraina tarapınan resmi nota aldıq. Ärine, biz de qajetti mälimdeme jasaytın bolamız. Prezident (Petr Poroşenko) ötken aptada da osınday jarlıq şığarğandıqtan, bwl eşteñeni özertpeydi. Bwl — kelesi jıldıñ 1 säuirinde eki el arasındağı kelisimşarttıñ toqtatılatını turalı şeşim», - degen Rudenko.

Osığan deyin, naqtıraq aytsaq 19 qırküyekte Ukraina prezidenti Petr Poroşenkonıñ Resey men Ukraina arasındağı Dostıq, ıntımaqtastıq jäne seriktestik turalı Kelisimşarttıñ Ukrainanıñ Qorğanıs jäne wlttıq qauipsizdik Keñesiniñ şeşimimen toqtatılatını turalı jarlığı küşine engenin jazğan edik. Ukraina biligi eger, barlıq is qatañ saqtalğan jağdayda kelisimşart 2019 jıldıñ 1 säuirinen bastap küşin joyadı dep habarlağan bolatın. Negizi, Resey men Ukraina arasında 1997 jılı qol qoyılğan Dostıq, ıntımaqtastıq jäne seriktestik turalı Kelisimşart orıs-ukraina qarım-qatınasınıñ negizgi qwjatına aynalğan edi. Onda «egemendik teñdik, aymaqtıq twtastıq, şekaranıñ beriktigi, daulı mäselelerdi beybit jolmen retteu,  küş körsetpeu, sonımen qatar, ekonomikalıq jäne özge de qısım türlerine jol bermeu qarastırılğan bolatın.  Mäskeu Kievtiñ bwl qadamın qate dep atap, Ukraina basşılığınıñ mwnday şeşimine ökiniş bildirgen edi.

“The Qazaq Times”