Foto: Bi-Bi-Si

CBS telearnası AQŞ-tağı Florens dauılınıñ qwrbandarınıñ sanı 18 adamğa jetkenin habarladı. Sonımen qatar, qazirdiñ özinde atalğan tabiğat apatınıñ saldarınan 740 mıñ üy men käsiporın jarıqsız qalğan. Jwma, 14 qırküyekte Florens Soltüstik Karolina jağalauına jetip, saldarınan qattı jel men nöser jauın jauğan bolatın.

Bwdan bwrın, «Floridanıñ» qwrbanı 11 adamğa jetkende AQŞ prezidenti Donal'd Tramp Soltüstik Karolinada tötenşe jağday jariyalağan edi. Sonımen qatar, Amerika biligi AQŞ-tıñ şığıs jağalauındağı jağday nöser jauınnıñ kesirinen naşarlauı mümkin ekenin eskertken.

Qazirgi tañda jeldiñ jıldamdığı sağatına 45 mil' (72 şaqırım/sağat) deyin tömendegen. Alayda, Soltüstik Karolinağa äli de bolsa su tasqını qaupi basım. Osı mañdağı 22 mıñnan astam adam 150 uaqıtşa baspanağa ornalastırılğan.

Amerikalıq ğalımdar osı apattı oqiğa adam qolımen isteldi degen twjırım jasap otır. Olar «Florens» dauılı atmosferağa parniktik gazdardıñ taratıluı saldarınan özgergen klimattıñ äseri dep sanaydı.

“The Qazaq Times”