فوتو: بي-بي-سي

CBS تەلەارناسى اقش-تاعى فلورەنس داۋىلىنىڭ قۇرباندارىنىڭ سانى 18 ادامعا جەتكەنىن حابارلادى. سونىمەن قاتار، قازىردىڭ وزىندە اتالعان تابيعات اپاتىنىڭ سالدارىنان 740 مىڭ ءۇي مەن كاسىپورىن جارىقسىز قالعان. جۇما، 14 قىركۇيەكتە فلورەنس سولتۇستىك كارولينا جاعالاۋىنا جەتىپ، سالدارىنان قاتتى جەل مەن نوسەر جاۋىن جاۋعان بولاتىن.

بۇدان بۇرىن، «فلوريدانىڭ» قۇربانى 11 ادامعا جەتكەندە اقش پرەزيدەنتى دونالد ترامپ سولتۇستىك كارولينادا توتەنشە جاعداي جاريالاعان ەدى. سونىمەن قاتار، امەريكا بيلىگى اقش-تىڭ شىعىس جاعالاۋىنداعى جاعداي نوسەر جاۋىننىڭ كەسىرىنەن ناشارلاۋى مۇمكىن ەكەنىن ەسكەرتكەن.

قازىرگى تاڭدا جەلدىڭ جىلدامدىعى ساعاتىنا 45 ميل (72 شاقىرىم/ساعات) دەيىن تومەندەگەن. الايدا، سولتۇستىك كاروليناعا ءالى دە بولسا سۋ تاسقىنى قاۋپى باسىم. وسى ماڭداعى 22 مىڭنان استام ادام 150 ۋاقىتشا باسپاناعا ورنالاستىرىلعان.

امەريكالىق عالىمدار وسى اپاتتى وقيعا ادام قولىمەن ىستەلدى دەگەن تۇجىرىم جاساپ وتىر. ولار «فلورەنس» داۋىلى اتموسفەراعا پارنيكتىك گازداردىڭ تاراتىلۋى سالدارىنان وزگەرگەن كليماتتىڭ اسەرى دەپ سانايدى.

“The Qazaq Times”