![](https://qazaqtimes.com/kk/content/uploads/2018/09/5b364bfaf9cdacbb8350f9bd9628a65a-800x480.jpg?token=98d7bcdf013a25d1cdaddcb886557ffe)
III-Düniejüzi köşpendileri oyının köruge şetelden 70 mıñğa juıq turist kelgen. Bwl 2016 jılmen salıstırğanda üş esege köp dep mälimdedi Qırğızstan turizm departamentiniñ basşısı Azamat Jamangulov.
Onıñ sözinşe, 2016 jılı oyındardıñ aşılu saltanatın tamaşalauğa Qırşın jaylauına 30 mıñğa juıq adam kelse, biılğı aşılu räsimine 150 mıñ adam kelgen. 2016 jılı oyındarğa 20 mıñğa juıq şeteldik kelgen, al biıl olardıñ sanı 60 mıñnan asqan.
Üşinşi Düniejüzi köşpendiler oyındarında 56 elden 50 telearna, 12 radiostanciya, 67 aqparat agenttigi men 48 gazetten 600-den asa jurnalist habar taratqan.
Köşpendiler oyındarınıñ qorıtındısı boyınşa, jalpı esepte 40 altın, 32 kümis jäne 31 qola medal' alğan Qırğızstan komandası birinşi orın ielengen.
Ekinşi orın alğan Qazaqstan komandasınıñ qorjınında 18 altın, 24 kümis jäne 34 qola medal' bar.
Üşinşi orındı 17 altın, 12 kümis jäne 27 qola medal' wtqan Resey komandası enşiledi.
Bwdan keyingi orındarda Türkimenstan (27 medal'), Özbekstan (33 medal'), Vengriya (12 medal'), Iran (12 medal'), Ukraina (9 medal'), Moñğoliya (17 medal') jäne Türkiya (6 medal') komandaları twr.
Oyındardıñ jalpı jülde qorı 28 million somdı (403 mıñ dollar) qwrağan.
Qırğızstan Düniejüzi köşpendiler oyındarın alğaş ret 2014 jılı ötkizdi. 2016 jılı ekinşi oyındar ötti.
Kelesi, törtinşi Düniejüzi köşpendiler oyındarı 2020 jılı Türkiyada ötedi.