Foto: Google

Estoniya, Latviya, Litva elderi jahandağı eñ iri Walmart käsipornın KSRO-dağı simvoldar beynelengen tauarlardı satılımğa şığarmau turalı wsınıs tastadı. Bwl turalı bügin Associated Press agenttigi mälimdedi.

Litvanıñ AQŞ-tağı elşisi Rolandas Krişyunas öz sözinde: «Baltıq boyı memleketteri 1940 jıldarı anneksiyalanıp, 1991 jılğa deyin Keñes Odağınıñ qwramında boldı. KSRO twsında nebir qorqınıştı, swrapıl künder boldı. Nağız qatıgez kezeñ edi. Sol uaqıtta oraq pen balğanı betke wstatqan adam şoşırlıq, jantürşigerlik qılmıstar orın aldı. Sovet biliginiñ qol astında jüzdegen mıñ litvalıqtar ayausız qırğınğa wşıradı, jer audarıldı, jazıqsız türmege jabıldı. Sondıqtan da keşegi kezeñniñ ayausız twstarın körsetetin, jappay qırğındı däripteytin kiim-keşekter men özge önimderdi taratuğa tübegeyli qarsılıq bildiremiz», – degen.

Biıl mamırda Adidas sporttıq kiimder firması Reseydegi futboldan älem çempionatına qatıstı jasalınğan keñestik tañbaları bar qızıl futbolkalar men basqa da tauarlardı satılımnan alıp tastauğa kelisim bergen. Al Walmart kompaniyası äli künge deyin osınday tiptegi kiimderdi şığaradı. Osı orayda Latviya, Litva men Estoniya biligi atalğan käsiporınnıñ tauarların satılımnan alıp tastau kerektigin ayttı. Mwnımen qosa, Baltıq boyı elderiniñ basşıları Walmart kompaniyasına «Totalitarlıq rejimniñ qwrbanı atanğan milliondağan adamdarğa eşqanday qwrmet körsetpeytini öte ökinişti. Sonımen qatar, bwl käsiporın adam qwqıqtarın ayaqqa taptap, demokratiyanı joqqa şığaru arqılı totalitarlıq jüye jaylı barınşa nasihat jürgizip otırğanın» aytıp, ündeu joldağan. Kompaniya ökilderi bwl wsınısqa äzirşe jauap bergen joq.

"The Qazaq Times"