Foto: ru.tsn.ua

Jergilikti biliktiñ mälimeti boyınşa, Japoniyadağı tayfunnıñ saldarınan qazirgi tañda 10 adam qaza tapqan.

NHK telearnasınıñ habarlauınşa, bir adam Osakada qaza tapqan. Jeti adam Sigada, tağı eki qwrban Ayti men Mie qalalarında öli tabılğan. Sonımen qatar,  300 adamnıñ ziyan şekkeni habarlanuda. Bilik «Kansai» jäne «Chubu» elektrstansa kompaniyalarında tötenşe oqiğa orın alıp, 1,2 millionğa juıq adam jarıqsız qalğanın resmi türde rastağan. Sonımen qatar, tayfunnıñ kesirinen jüzdegen äue reysteri şegerilgen. Kansay äuejayında tünep şığuğa mäjbür bolğan jolauşılar Kobe äuejayına jiberilgenmen, ol jaqtan da dittegen jerlerine qaşan jetetini äzirge belgisiz. Al, Kansay äuejayınıñ jwmısı bügin keşke deyin toqtatıladı. Qazirgi mälimetter boyınşa, 162 işki reys keyinge qaldırılğan.

Japoniya sinoptikteriniñ mälimetinşe, bwl — soñğı 25 jılda orın alğan eñ joyqın tayfun retinde tilkelgen. Djebi dep atalatın tayfun osı uaqıtqa deyin Japoniyanıñ batısındağı birqatar qalada tirkelip, qazirgi uaqıtta soltüstikke qaray jıljuda.

Sonımen qatar, Japoniya biligi eger äuejay jabıq qala beretin bolsa, ol eldiñ ekonomikasına edäuir deñgeyde şığın äkeledi dep alañdaydı. Ol Japoniyanıñ älemniñ kem degende 80 qalasımen baylanıstıradı.

 “The Qazaq Times”