جاپونياداعى تايفۋن قۇرباندارىنىڭ سانى ارتۋدا

جەرگىلىكتى بيلىكتىڭ مالىمەتى بويىنشا، جاپونياداعى تايفۋننىڭ سالدارىنان قازىرگى تاڭدا 10 ادام قازا تاپقان.

NHK تەلەارناسىنىڭ حابارلاۋىنشا، ءبىر ادام وساكادا قازا تاپقان. جەتى ادام سيگادا، تاعى ەكى قۇربان ايتي مەن ميە قالالارىندا ءولى تابىلعان. سونىمەن قاتار،  300 ادامنىڭ زيان شەككەنى حابارلانۋدا. بيلىك «Kansai» جانە «Chubu» ەلەكترستانسا كومپانيالارىندا توتەنشە وقيعا ورىن الىپ، 1,2 ميلليونعا جۋىق ادام جارىقسىز قالعانىن رەسمي تۇردە راستاعان. سونىمەن قاتار، تايفۋننىڭ كەسىرىنەن جۇزدەگەن اۋە رەيستەرى شەگەرىلگەن. كانساي اۋەجايىندا تۇنەپ شىعۋعا ءماجبۇر بولعان جولاۋشىلار كوبە اۋەجايىنا جىبەرىلگەنمەن، ول جاقتان دا دىتتەگەن جەرلەرىنە قاشان جەتەتىنى ازىرگە بەلگىسىز. ال، كانساي اۋەجايىنىڭ جۇمىسى بۇگىن كەشكە دەيىن توقتاتىلادى. قازىرگى مالىمەتتەر بويىنشا، 162 ىشكى رەيس كەيىنگە قالدىرىلعان.

جاپونيا سينوپتيكتەرىنىڭ مالىمەتىنشە، بۇل — سوڭعى 25 جىلدا ورىن العان ەڭ جويقىن تايفۋن رەتىندە تىلكەلگەن. دجەبي دەپ اتالاتىن تايفۋن وسى ۋاقىتقا دەيىن جاپونيانىڭ باتىسىنداعى بىرقاتار قالادا تىركەلىپ، قازىرگى ۋاقىتتا سولتۇستىككە قاراي جىلجۋدا.

سونىمەن قاتار، جاپونيا بيلىگى ەگەر اۋەجاي جابىق قالا بەرەتىن بولسا، ول ەلدىڭ ەكونوميكاسىنا ەداۋىر دەڭگەيدە شىعىن اكەلەدى دەپ الاڭدايدى. ول جاپونيانىڭ الەمنىڭ كەم دەگەندە 80 قالاسىمەن بايلانىستىرادى.

 “The Qazaq Times”