وزبەك پرەزيدەنتى شاۆكات ميرزياەۆ قىرعىزستاننىڭ شولپان-اتا قالاسىندا ءوتىپ جاتقان تۇركىتىلدەس ەلدەردىڭ ىنتىماقتاستىق كەڭەسىنىڭ VI-سامميتىنە اراعا 17 جىل سالىپ قاتىسۋدا. بۇگىنگى قىركۇيەك سامميتىندە ءسوز العان وزبەك باسشىسى ش.ميرزياەۆ وزبەكستاننىڭ ۇيىمعا تولىققۇقىلى مۇشەسى اتانۋعا دايىن ەكەنىن دە اتاپ ءوتتى. 

سوڭعى رەت وزبەكستان كەڭەستىڭ 2000 جىلى ءازىربايجاندا وتكەن سامميتىنە قاتىسقان ەكەن. 2001 جىلى وسى ۇيىمنىڭ وتىرىسىنا وزبەكستان پارلامەنتىنىڭ سپيكەرى عانا قاتىسقان.  ال، 2006 جىلدان بەرى تاشكەنت اتالعان سامميتكە قاتىسۋدان باس تارتقان.

2009 جىلدىڭ قازانىندا ءازىربايجاننىڭ ناحچىۆان قالاسىندا جاڭا ۇيىم قۇرۋ تۋرالى شەشىم شىعارىلعان ەدى. ونىڭ جۇمىستارىنىڭ قاعيدالارى 2010 جىلدىڭ 16 قىركۇيەگىندەگى ىستامبۇل دەكلاراتسياسىندا جان-جاقتى تالقىلانعان. جاڭا ۇيىم "تۇركىتىلدەس ەلدەردىڭ ىنتىماقتاستىق كەڭەسى" دەگەن اتاۋ العانمەن، وزبەكستان وسى حالىقارالىق قۇرىلىمنىڭ جۇمىستارى مەن قۇرىلۋىنا ەش اتسالىسپاعان. تەك ۇستىمىزدەگى جىلدىڭ ءساۋىر ايىندا تاشكەنتتە ر.ت.ەردوعانمەن وتكەن كەزدەسۋدەن كەيىن ش.ميرزياەۆ وزبەكستاننىڭ ۇيىم قاتارىنا قوسىلىپ، قىرعىزستاندا وتەتىن قىركۇيەك سامميتىنە قاتىساتىنى تۋرالى حابارلاعان ەدى. ەندى، اراعا 17 جىل سالىپ وسى سامميتكە  قاتىسقان وزبەك باسشىسى ارىپتەستەرىن تۋريزم، ءبىلىم، ەكونوميكا جانە ينۆەستيتسيا سالالارىندا ىنتىماقتاسۋعا شاقىردى.  سونىمەن قاتار، ش.ميرزياۆ كەڭەستىڭ شتاب-پاتەرىن وزبەكستاننىڭ ەجەلگى قالاسى حيۋاعا كوشىرۋدى ۇسىندى.

“The Qazaq Times”