Foto: e-history.kz

Biıl Ata zañımızdıñ qabıldanğanına – 23 jıl. Qazaqstan Konstituciyası 1995 jılı 30 tamızda bükilhalıqtıq referendumda qabıldanğan bolatın.

Osı aralıqta Konstituciyamızğa birneşe ret özgertuler men tolıqtırular engizildi. Täuelsizdiktiñ tölqwjatı sanalğan Konstituciya 1995 jılı demokratiyalıq, zayırlı memlekettiñ zañı bolıp qabıldandı. 1995 jılı 30 tamızda eldiñ jaña Konstituciyasın qabıldau jöninde bükilhalıqtıq referendum ötip, oğan saylauşılardıñ 90,58 payızı qatıstı. Qatısuşılardıñ 89,14 payızı jaña Konstituciyanıñ qabıldanuın qoldadı. 2017 jılı prezident N.Nazarbaev Konstituciyağa birqatar özgerister engizdi. Memleket öz täuelsizdigin jariyalağalı beri Ata zañ tört ret özgerdi. Sol uaqıttan beri Ata zañ halıq pen memleket arasındağı kommunikativtik küşke aynaldı.

Büingi tañda Qazaqstannıñ Ata zañı älemdegi eñ jas Konstituciyalardıñ biri bolıp sanaladı. Aytulı merekege oray QR prezidenti Nwrswltan Nazarbaev qazaqstandıqtardı Konstituciya künimen qwttıqtadı. Öz sözinde ol: «Ata zañımızda jariyalanğan zañ üstemdigi, qwqıqtar men bostandıqtardıñ mültiksiz saqtalu qağidattarı, äleumettik kepildikter men jalpı adamzatqa ortaq joğarı qwndılıqtar ärbir azamattıñ janına jaqın äri tüsinikti. Qazirgi kezeñdegi qoğamdıq jäne memlekettik qwrılıstıñ konstituciyalıq normaları – bükil Qazaqstan halqı üşin senimdi bolaşaqtı qamtamasız etetin däyekti damu men jañğıru üderisteriniñ negizi», – dedi.

Ata zañ – memlekettiñ tiregi, täuelsizdiktiñ reñi. Zañı üstem eldiñ zamanı qaşan da tınış bolmaq.

"The Qazaq Times"