Foto: M'yanmadağı Rohandja mwsılmandarı

Osığan deyin saytımızda BWW-nıñ M'yanma ükimetine Rohandja mwsılmandarınıñ genocidine qatıstı kinä artıp, mälimdeme jasağanın habarlağan edik. Endi M'yanma ükimeti BWW-nıñ osı mälimdemesimen kelispeytinin habarlap otır. M'yanma prezidenti keñsesiniñ baspasöz-hatşısı särsenbi, 29 tamız küni The Global New Light Of Myanmar basılımına osılay habarlağan. Bwl turalı atalmış basılımğa silteme jasap france24.com/fr habarlaydı.

Onıñ aytuınşa, «Ükimet adam qwqığınıñ bwzıluına beyjay qaray almaydı». «Eger adam qwqığınıñ bwzıluına qatıstı qanday da bir jağday bolsa, bizge naqtı dälel körsetiñizder. YAğni, bizdiñ tergeu jürgizuimizge kömektesetin jazbalar men datalar beriñizder», - degen. Baspasöz hatşısı M'yanmada «BWW agenttikteri men özge de halıqaralıq wyımdar tarapınan jasalğan jalğan aqparlarğa» jauap retinde Täuelsiz komissiya qwrılğanın da habarlağan. Ol, sonday-aq M'yanmadağı adam qwqıqtarınıñ bwzıluı turalı derekterdi jinau jönindegi halıqaralıq missiya BWW-nıñ Adam qwqıqtarı jönindegi Keñesiniñ maqwldauımen qwrılğanın da habarladı. «Bizdiñ ükimet bükil düniejüzine BWW-nıñ Adam qwqıqtarı jönindegi Keñesimen kelispeytinin aşıq ayttı. Sondıqtan, Rohandja mwsılmandarınıñ quğın-sürginge wşırap, öltiriluine qatıstı bizge tağılğan ayıptı joqqa şığaramız. Bwnı sonşalıqtı senimdi türde aytatınday BWW ökilderine M'yanma territoriyasına kiruge de rwqsat etpedik» , - dedi.

“The Qazaq Times”