وسىعان دەيىن سايتىمىزدا بۇۇ-نىڭ ميانما ۇكىمەتىنە روحاندجا مۇسىلماندارىنىڭ گەنوتسيدىنە قاتىستى كىنا ارتىپ، مالىمدەمە جاساعانىن حابارلاعان ەدىك. ەندى ميانما ۇكىمەتى بۇۇ-نىڭ وسى مالىمدەمەسىمەن كەلىسپەيتىنىن حابارلاپ وتىر. ميانما پرەزيدەنتى كەڭسەسىنىڭ ءباسپاسوز-حاتشىسى سارسەنبى، 29 تامىز كۇنى The Global New Light Of Myanmar باسىلىمىنا وسىلاي حابارلاعان. بۇل تۋرالى اتالمىش باسىلىمعا سىلتەمە جاساپ france24.com/fr حابارلايدى.
ونىڭ ايتۋىنشا، «ۇكىمەت ادام قۇقىعىنىڭ بۇزىلۋىنا بەيجاي قاراي المايدى». «ەگەر ادام قۇقىعىنىڭ بۇزىلۋىنا قاتىستى قانداي دا ءبىر جاعداي بولسا، بىزگە ناقتى دالەل كورسەتىڭىزدەر. ياعني، ءبىزدىڭ تەرگەۋ جۇرگىزۋىمىزگە كومەكتەسەتىن جازبالار مەن داتالار بەرىڭىزدەر»، - دەگەن. ءباسپاسوز حاتشىسى ميانمادا «بۇۇ اگەنتتىكتەرى مەن وزگە دە حالىقارالىق ۇيىمدار تاراپىنان جاسالعان جالعان اقپارلارعا» جاۋاپ رەتىندە تاۋەلسىز كوميسسيا قۇرىلعانىن دا حابارلاعان. ول، سونداي-اق ميانماداعى ادام قۇقىقتارىنىڭ بۇزىلۋى تۋرالى دەرەكتەردى جيناۋ جونىندەگى حالىقارالىق ميسسيا بۇۇ-نىڭ ادام قۇقىقتارى جونىندەگى كەڭەسىنىڭ ماقۇلداۋىمەن قۇرىلعانىن دا حابارلادى. «ءبىزدىڭ ۇكىمەت بۇكىل دۇنيەجۇزىنە بۇۇ-نىڭ ادام قۇقىقتارى جونىندەگى كەڭەسىمەن كەلىسپەيتىنىن اشىق ايتتى. سوندىقتان، روحاندجا مۇسىلماندارىنىڭ قۋعىن-سۇرگىنگە ۇشىراپ، ولتىرىلۋىنە قاتىستى بىزگە تاعىلعان ايىپتى جوققا شىعارامىز. بۇنى سونشالىقتى سەنىمدى تۇردە ايتاتىنداي بۇۇ وكىلدەرىنە ميانما تەرريتورياسىنا كىرۋگە دە رۇقسات ەتپەدىك» ، - دەدى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى