27 tamızda Germaniya kancleri Angela Merkel' men Amerika prezidenti Donal'd Tramp telefon arqılı habarlasıp, Süriyadağı jağdaylardı talqılağan. Äñgime barısında eki el basşısı Reseydi «Süriyadağı agressiyağa tolı rejimdi toqtatuğa» şaqırdı. Bwl turalı «Reuters» agenttigi habarlaydı.

Sonday-aq, olar Süriyadağı ükimet äskeriniñ Idlib provinciyasındağı jihadşılar men islam äskerlerine şabuıldauına baylanıstı alañdauşılıq bildirgen. Osığan deyin Qwrama Ştattarı Asad Idlibti baqılauına alu üşin himiyalıq qaru qoldanatın bolsa, «swrapıl äskeri operaciya» jürgizetinin Reseyge eskertken bolatın. Olay bolmağan jağdayda, Süriya prezidenti Başar Asad küşterine soqqı jasau mümkin ekenin de aytqan.

Eske sala keteyik, Tramp «Reuters» agenttigine bergen swhbatında osı mäselege qatıstı: «Resey prezidentimen ötken Hel'sinkidegi jabıq kezdesude Süriyadağı jağday, Reseydiñ Qırımdı anneksiyalap aluı jäne Izrail'diñ qauipsizdigi jaylı aytıldı. Resey AQŞ-tıñ müddesi üşin Süriyada keri şeginui tiis jäne Başar Asadtıñ is-äreketine tosqauıl boluı qajet», – degen.

"The Qazaq Times"