27 تامىزدا گەرمانيا كانتسلەرى انگەلا مەركەل مەن امەريكا پرەزيدەنتى دونالد ترامپ تەلەفون ارقىلى حابارلاسىپ، سۇرياداعى جاعدايلاردى تالقىلاعان. اڭگىمە بارىسىندا ەكى ەل باسشىسى رەسەيدى «سۇرياداعى اگرەسسياعا تولى رەجيمدى توقتاتۋعا» شاقىردى. بۇل تۋرالى «Reuters» اگەنتتىگى حابارلايدى.

سونداي-اق، ولار سۇرياداعى ۇكىمەت اسكەرىنىڭ يدليب پروۆينتسياسىنداعى جيھادشىلار مەن يسلام اسكەرلەرىنە شابۋىلداۋىنا بايلانىستى الاڭداۋشىلىق بىلدىرگەن. وسىعان دەيىن قۇراما شتاتتارى اساد ءيدليبتى باقىلاۋىنا الۋ ءۇشىن حيميالىق قارۋ قولداناتىن بولسا، «سۇراپىل اسكەري وپەراتسيا» جۇرگىزەتىنىن رەسەيگە ەسكەرتكەن بولاتىن. ولاي بولماعان جاعدايدا، ءسۇريا پرەزيدەنتى باشار اساد كۇشتەرىنە سوققى جاساۋ مۇمكىن ەكەنىن دە ايتقان.

ەسكە سالا كەتەيىك، ترامپ «Reuters» اگەنتتىگىنە بەرگەن سۇحباتىندا وسى ماسەلەگە قاتىستى: «رەسەي پرەزيدەنتىمەن وتكەن حەلسينكيدەگى جابىق كەزدەسۋدە سۇرياداعى جاعداي، رەسەيدىڭ قىرىمدى اننەكسيالاپ الۋى جانە ءيزرايلدىڭ قاۋىپسىزدىگى جايلى ايتىلدى. رەسەي اقش-تىڭ مۇددەسى ءۇشىن ءسۇريادا كەرى شەگىنۋى ءتيىس جانە باشار اسادتىڭ ءىس-ارەكەتىنە توسقاۋىل بولۋى قاجەت»، – دەگەن.

"The Qazaq Times"