Foto: EPA

M'yanmanıñ qarulı küşteri «genocid» jasau maqsatımen Rohindja mwsılmandarın jappay öltirip, quğın-sürginge wşırattı. Sonımen qatar, olardıñ bwl äreketteri adamzatqa qarsı qılmıs äri äskeri qılmıs retinde bağalanuı mümkin.

2016-2017 jıldarı M'yanmadağı oqiğanı jan-jaqtı zerttegen BWW-nıñ ökilderi osınday qorıtındığa keldi. Olardıñ bwl turalı esepteri bügin, 27 tamızda jariyalandı. BWW-nıñ qorıtındısına säykes, M'yanma äskeriniñ bas qolbasşısı men bes generalı auır qılmıstarı üşin jauapqa tartıluları kerek. BWW ökilderi özderiniñ bayandamalarında M'yanma biliginiñ osınday äreketi genocidtiñ bes kriteriyiniñ törteuine säykes keledi degen. Sebebi, onıñ arasında adam öltiru äreketteri, aqıl-oy jäne fizikalıq twrğıdan küş körsetu, twrğındar tobın jappay qwrtu jäne bala tuu jağdaylarına kedergi jasau äreketteri bar. Däl osınday qısastıq äreketteri Rohindja mwsılmandarınıñ basına kelgen. Bwl — wlttıq, etnikalıq, näsildik jäne dini toptardı jappay nemese jartılay qırıp-joyuğa bağıttalğan. Sonımen qatar, BWW bayandamasında M'yanmanıñ azamattıq ükimeti Rohindja mwsılmandarın quğın-sürginge wşıratu  turalı qwjattardı joyıp, elde olarğa qatıstı teris pikir qalıptastırğan.

Endi, osı bayandama BWW-nıñ Adam qwqıqtarı jönindegi Keñesi 18 qırküyekte Jenevada ötetin sessiya ayasında talqılanbaq.

“The Qazaq Times”