AQŞ-tıñ Auğanstandağı äskeri qolbasşısı Nikolson. Foto: VOA.

Tramp ükimetiniñ Auğanstanğa qaratqan jaña strategiyasına bir jıl toluına oray, Auğanstannıñ bir jıldan bergi jağdayı köbirek talqılanuda. Jaña strategiya Auğanstan jağdayına oñdı äser ete almağanı turalı sın-pikirler aqparat keñistiginde köbeye tüsti.

Degenmen, osı twsta Auğanstanda  twratın AQŞ-tıñ jäne halıqaralıq qarulı küşterdiñ komandiri mälimdeme jasap, Tramp ükimetiniñ jaña strategiyası öz ıqpalın körsete bastağanın ayttı. Ol jaña strategiyanıñ jemisi retinde eki ret jariyalanğan atıstı toqtatu kelisimin alğa tarttı.

AQŞ-tıñ Auğanstandağı äskeri qolbasşısı Nikolsonnıñ aytuınşa, soğıs alañında iske asırılğan jaña strategiya jaudıñ josparlarına äser etip, olardı kelissözge keluge itermelegen. Alayda, koaliciya küşteriniñ elden ketpeytini turalı mälimdemeden keyin kelissözden bas tartqan.

Bıltır sol eldegi naqtı jağdayğa baylanıstı Tramp ükimeti Auğanstanda twratın äskerler sanın köbeytip, el ükimetine qoldau körsetetinin bildirgen.

“The Qazaq Times”